پهكهكه ههر رۆژ مرنا كۆمێن جوانێن كوردان رادگهینه
ناسنامهیا 5 جوانێن دن یێن كوردان ئاشكهره بوو كو رێخستنا پهكهكێ ئهو ل سالا 2018ێ ل چیایێ گاره داینه كوشتن و ههیا رۆژا مه یا ئیرۆ مرنا وان ڤهشارتبوو، دو ژ وان ژ ههرێما كوردستانێ نه.
ههپهگێ باسكێ لهشكهری یێ پهكهكێ رۆژا دوشهمی 15ی كانوونا 2025ێ، ناسنامهیێن 5 گهریلایان یێك ژێ كهچ ئاشكهره كرنه كو ل مههێن ئادار و تهباخا سالا 2018ێ ل چیایێ گاره یێ ل باشوورێ كوردستانێ بهرێ وان دابوو مرنێ و 7 سالن مرنا وان ڤهشارتبوو.
ناڤێن وان وسایه:
سونگول یهشار ژ ئامهدێ.
حاجی فكرهت ژ ئامهدێ.
ئۆسمان عهدولرهحمان ژ كهركووكێ.
سیفوك محسن ژ شهنگالێ.
بهلاڤ سهعدوللا ژ جۆلهمێرگێ.
پهكهكێ د پهسنێ تهڤان ده گۆتیه ملیتانێن مه یێن ئاپۆیی بوون خوه فهدایێ رێبهرتیێ كرن!.
ژ دهما دهستپێكرنا پێڤاژۆیا ئاشتیێ و ب داوی بوونا چالاكیێن چهكداری، مالباتێن گهریلایان ل بهندا ڤهگهرا زارۆكێن خوه نه، لێ بهلێ پهكهكه ههر رۆژ وێنهیێن كۆمێن وان پارڤهدكه و ژ مالباتێن وان ره دبێژه: زارۆكێن وه ب سالانه د ژیانێ ده نهمانه.
ل گۆری ئاگاهیێن دهستێ مه، هێژان ب ههزاران جوان ما نه كو ناسنامهیا وان ڤهشارتی مایه و پهكهكێ مرنا وان ئیفشا نهكری یه.
