پهكهكه و باسكێن وێ تهنێ د رهڤاندنا زارۆكان ده لههنگن
چهتهیێن پهكهكێ زارۆكهكی دن یێ كورد ب ناڤێ باسل كهمال ژ كۆبانیێ رهڤاندن و چارنووسا وی نهدیاره، ئهڤ ژی دبه زارۆكێ 14مین كو د سێ مههێن رابووری ده ل سهر دهستێ چهتهیێن پهكهكێ ژ كۆبانیێ تێن رهڤاندن.
چاڤكانیێن داركا مازی یێن ل رۆژئاڤا كوردستانێ ئاشكهره كرن، ل رۆژا 3 كانوونا 2025ێ، چهتهیێن پهكهكێ یێن ب ناڤێ جوانێن شۆرهشگهر كو كارێ وان رهڤاندنا زارۆكانه، زارۆكهكی تهمهن 12 سال ژ كۆبانێ رهڤاندن و چارهنووسا وێ نهدیاره.
چاڤكانیێن مه ئاشكهره كرن، زارۆكێ رهڤاندی ناڤی وی باسل كهمال حهمۆ یه، ژ شێنیێن گوندێ گركێ یێ كۆبانیێ یه، خوهندهكاره و ل پۆلا 6ێ یه.
جوانێن شۆرهشگهر ل 22 مژدارێ ژی خوهندكارهكی دن یێ ب ناڤێ مووسا سالح عهلۆ ژ كۆبانیێ رهڤاندبوون و هێژان ژی ئاگاهی ل سهر وی تونه نه.
هێژای ببیرئانینێ یه، ل دو مههێن رابووری جوانێن شۆرهشگهر 12 زارۆكێن كۆبانیێ رهڤاندنه و چارهنووسا وان ب نهدیاری مایه.
جوانێن شۆرهشگهر رێخستنهكه جوانان یا گرێدای پهكهكێ یه، ب تهعلیماتێن راستهراست یا جهمیل باییك تهڤ دگهره و كارێ وێ چهكداركرنا زارۆكانه ژ بۆی پهكهكێ و باسكێن وێ یێن ل رۆژئاڤا كوردستانێ.
