هاکان فیدان گەف ل ههسهدێ خوار: ئەم ناخوازن رێیێن لەشکەری ب کار بینن
وەزیرێ کارێن دەرڤەیێ ترکیەیێ هاکان فیدان ل سەر پەیمانا 10ێ ئادارێ گۆت، “ئەم ناخوازن رێیێن لەشکەری ب کار بینن لێ سەبرا مە دقەدە.”
وەزیرێ کارێن دەرڤەیێ ترکیەیێ هاکان فیدان ژ TRT Worldێ رە ئاخڤی و روودانێن ل سووریە و رۆژئاڤایێ کوردستانێ نرخاندن.
هاکان فیدان دەرباری پەیمانا 10ێ ئادارێ یا د ناڤبەرا هێزێن سووریەیا دەمۆکراتیک (ههسهدێ) و برێڤەبریا شامێ ژی ئاخڤی و دیار کر کو ئەو ژ لەزا پێڤاژۆیێ نەرازینە و ههسهده هەول ددە دەمێ قەزەنج بکە.
ههروهها گۆت: ل گۆری من، ئەههسهده هێڤیا دەرفەتێن دن دکه، بەلکی ب ئاوایێ کریزەکە دن یا هەرێمی یان ژی ژ بەر پۆلیتیکایێن بەرفرەهبوونێ یێن ئیسرائیلێ یێن ل سەر سووریە و دەڤەرێن دن.
فیدان دیار کر کو ژ بلی ههسهدێ هەموو کۆمێن ل سووریەیێ گرێدایی وەزارەتا پاراستنێ بوونە و وها ئاخڤی: ئەم ناخوازن کو ئەم جارەکە دن نەچار بمینن سەری ل رێیێن لەشکەری بدن.
ههروهها گۆت: دڤێ ههسهده فێم بکە کو سەبرا ئاکتۆرێن پێوەندیدار دقەدە، دڤێ ههسهده وهره وێ ئاستێ کو پێبەندیێن خوەیێن ژ بۆ پەیمانا 10ێ ئادارێ ب جهـ بینه.
