بریارا بدارڤەکرنێ بۆ یەک ژ تاوانبارێن ئەنفالا بارزانیان دەرکەت

دادگەها بلند یا جەزایان یا ئیراقێ بریارا بدارڤەکرنێ ژ بۆ یەک ژ تاوانبارێن ئەنفالا بارزانیان دەرخست، هەروەسا بریارا بەردانا تۆمەتبارەکێ دن دا.

پارێزەرێ دۆزا جینۆسایدا بارزانیان ل دادگەها بلندا جەزایان یا ئیراقێ ئەیاد کاکەیی، بریارێن دادگەها بلند یا جەزایان یا ئیراقێ د دەرهەقا دو بەرپرسێن بەرێ یێن رژێما بەعس یا ئیراقێ دە ئەشکەرە کرن، کو ب تاوانێن ل دژی بارزانیان تۆمەتبار بوون.

ل گۆری گۆتنێن پارێزەرێ دۆزا جینۆسایدا بارزانیان، جەزایێ بدارڤەکرنێ ژ بۆ شاکر تاهر یەحیا غەفوور دووری دەرکەت، ژ بەر تەڤلیبوونا وی یا راستەراست د وێ جینۆسایدێ دە.

پارێزەرێ ناڤبری هەروەسا گۆت کو، دادگەهێ سه‌عدوون شاکری، کو پێشتر بەرپرسێ شاخا پێنجێ یا برێڤەبریا ئەولەکاریا گشتی یا بەغدایێ بوو، ژ بەر کێمیا دەلیلان ئازاد کر. رۆهن ژی کر کو، ئەڤ شاخا دەزگەها ئەولەهیێ گرێدایی پارتیێن ئۆلی بوو، نە کۆمێن کوردی.

جینۆسایدا بارزانیان، کو ل سالا 1983ێ چێ بوو، کوشتنا سیستەماتیک یا نێزیکی 8.000 مێر و کورێن بارزانی ژ ئالیێ رژێما بەرێ یا ئیراقێ ڤە بوو. دادگەها بلند یا جەزایان یا ئیراقێ پێشتر ئەڤ کریار وەکی جینۆساید و تاوانێن ل دژی مرۆڤاهیێ ناساندنە.