پەیامەک ژ سەرۆک بارزانی د دەربارێ پۆستێ سەرۆککۆمارێ ئیراقێ دە

سەرۆک بارزانی ئیرۆ رۆژا دوشەم، 29/12/2025ێ ل سەر پۆستا سەرۆککۆمارێ ئیراقێ پەیامەک بەلاڤ کر و تێ دە راگهاند مەرج نینە کەسێ کو ژ بۆی سەرۆک کۆماریا ئیراقێ تێ هلبژارتن پارتی یان یەکیتی بە.

ناڤەرۆکا پەیاما سەرۆک بارزانی ب ڤی ئاوایە:

پەیامەک ژ سەرۆک بارزانی

ب ناڤێ خوەدایێ مەزن و دلۆڤان

د دەربارێ پۆستا سەرۆککۆمارێ ئیراقێ دە، دڤێت ھەموو ئالیێن کوردستانی ئەو باوەری ھەبە کو ئەڤ پۆست پارا کوردانە و ژ بۆ کو سەرۆککۆمار نوونەراتیا راستین یا گەلێ کوردستانێ بکە، دڤێت میکانیزمایا ھلبژارتنا سەرۆککۆماری ژی گوھارتن تێ دە چێببە و ئێدی چ ئالیەک ئەوی پۆستی وەک ملکێ خوەیێ تایبەت نەزانە.

میکانیزما ژی دڤێت وھا بە کو: یان د پارلامەنتۆیا کوردستانێ دە کەسەک وەک نوونەرێ کوردان ژ بۆ وەرگرتنا پۆستا سەرۆککۆمار بێ دیاریکرن، یان ژی تەڤاھیا ئالیێن کوردستانی بجڤن و ژ بۆ وێ پۆستێ ل سەر کەسەکی ل ھەڤ بکن، یان ژی نوونەر و فراکسیۆنێن کوردی یێن د ئەنجوومەنا نوونەرێن ئیراقێ دە، کەسەکی ژ بۆ وەرگرتنا وی پۆستی دیار بکن. شەرت ژی نینە ئەو کەسێ کو ژ بۆ وەرگرتنا پۆستا سەرۆککۆمار تێ دیاریکرن پارتی یان یەکیتی بە، دبە ژ ئالیەک دن بە یان ژی بێالی بە. گرینگ ئەوە کو ل سەر وی کەسی لھەڤھاتنا کوردی ھەبە و نوونەراتیا گەلێ کوردستانێ بکە ژ بۆ وەرگرتنا پۆستا سەرۆککۆمارێ ئیراقێ.

مەسعوود بارزانی

29/12/2025