کۆمێن چەکدار بەنداڤا تشرینێ تۆپباران کرن: 3 شەرڤانێن ههسهدێ بریندار بوون
ناڤەندا راگهاندنا ههسهدێ راگهاند، کۆمێن چەکدارێن گرێدایی حکوومەتا ڤەگوهێزا سووریەیێ دەردۆرا بەنداڤا تشرینێ ب چەکێن گران تۆپباران کرنە و د ئەنجامێ دە 3 شەرڤانێن وان بریندار بوونە.
ناڤەندا راگهاندنا هێزێن سووریا دەمۆکراتیک، تێکلداری ئێرشێن ئیرۆ داخویانیەک بەلاڤ کر. ل گۆری داخویانیێ، ئیرۆ سائەت د 16:00ان دە، کۆمێن چەکدارێن سەر ب حكوومهتا ڤەگوهێزا سووریەیێ ڤە، ب تۆپ و چەکێن گران ئێرشی دەردۆرا ئاڤاهیا بەنداڤا تشرینێ یا ل باکور و رۆژهلاتێ سووریەیێ کرن.
ههسهدێ دەستنیشان کر کو ئەڤ ئێرش د دەمەکێ دە پێک تێ کو هەرێم د بن پەیمانا ئاگربەستێ دەیە. هات راگهاندن کو ئەڤ کریار بنپێکرنەکە ئەشکەرە یا پەیمانانە و ئارمانجا وێ تێکدانا ئارامی و سەقامگریا هەرێمێ یە. د ئەنجاما ڤێ تۆپبارانا دژوار دە، هات پشتراستکرن کو 3 شەرڤانێن ههسهدێ بریندار بوونە.
بەنداڤا تشرینێ کو ل سەر چەمێ فراتێ هاتیە ئاڤاکرن، ژ بۆ پەیداکرنا ئاڤ و ئەلەکتریکێ ل باکور و رۆژهلاتێ سووریەیێ یەک ژ ناڤەندێن هەری ستراتەژیکە. ئێرشێن ب ڤی رەنگی نە تەنێ لەشکەرینە، لێ د هەمان دەمێ دە مەترسیەکە مەزن ل سەر ژیانا کارکەرێن بەنداڤێ و وەلاتیێن سڤیلێن ل دەردۆرێ چێدکە.
