فەرھاد ئەترووشی وەکی جیگرێ دویێ یێ سەرۆکێ پارلامەنتۆیا ئیراقێ ھات ھلبژارتن

فەرھاد ئەترووشی ب پرانیا دەنگان وەکی جیگرێ دویێ یێ سەرۆکێ پارلامەنتۆیا ئیراقێ ھات ھلبژارتن.

فەرھاد ئەترووشی ئیرۆ رۆژا سێشەم، 30/12/2025 ب پرانیا دەنگێن ئەندامێن پارلامەنتۆیا ئیراقێ وەکی جیگرێ دویێ یێ سەرۆکێ پارلامەنتۆیا ئیراقێ ھات ھلبژارتن.

دەنگدان ب ڤی رەنگی بوو:

فەرھاد ئەترووشی: 178 دەنگ

رێبوار کەریم: 104 دەنگ

فەرھاد ئەترووشی کییە؟

فەرھاد ئەمین سەلیم ئەترووشی.

ل سالا 1976ێ ل دھۆکێ ھاتیە سەر دنیایێ.

ژ سالا 2010 ھەتا 2014ێ، ئەندامێ پارلامەنتۆیا ئیراقێ بوو.

ژ سالا 2014ێ ھەتا 2020ێ، پارێزگارێ دھۆکێ بوو.

ل پارێزگەھا دھۆکێ سەرۆکێ لیستەیا پارتیا دەمۆکراتا کوردستانێ (پەدەکێ) بوو ژ بۆ گەرا شەشێ یا ھلبژارتنێن پارلامەنتۆیا ئیراقێ.