د خوهنیشاندانێن ئیرانێ و رۆژهلاتا كوردستانێ ده 16 كورد هاتنه كوشتن
رێخستنا مافێن مرۆڤان يا هەنگاوێ راگهاند کو د سەر خوەنیشاندانێن ل ئیران و رۆژهلاتێ کوردستانێ رە هەفتەیەک دەرباس بوو و هەتا نها مرنا 17 سڤیلان هاتیە پشتراستکرن، 16 ژێ كوردن.
ل گۆری ئامارێن کو تیما هەنگاوێ پشتراست کرنە، ل باژارێن مەلەکشاهی، هەمەدان، هەرسین، نووراوا، کۆدەشت، ئازنا، لۆردەگان، فوولادشەهر و مەرودەشتێ ونداهیێن جانی چێبوونە.
ئەڤ باژار ل پارێزگەهێن کرماشان، لۆرستان، هەمەدان، فارس، ئیلام، چارمەهال و بەختیاری و ئیسفەهانێ نە.
هەنگاوێ دا زانین کو ئەو لێکۆلینا ل سەر هەری کێم 6 بوویەرێن دن ددۆمینن و ئەگەر ئەڤ مرن بێن پشتراستکرن دێ ب رایا گشتی رە وەرن پارڤەکرن.
ل گۆری ئامارێن هەنگاوێ، ژ 17 سڤیلان 16 ژێ وەلاتیێن کوردن و یەک ژی فارسە.
هات تۆمارکرن کو هەری کێم 9 ژ وان کوردێن لورن.
