ل رۆژهلاتێ کوردستانێ بانگا گرەڤا گشتی هات کرن

خوەنیشاندانێن ل ئیران و رۆژهلاتێ کوردستانێ ددۆمن. پارتیێن سیاسییێن رۆژهلاتێ کوردستانێ ژ بۆ رۆژا پێنجشەمێ بانگا گرەڤا گشتی کر.

ئارمانجا بریارێ پشتگریا خوەنیشاندانێن کو ل تەهرانێ دەست پێ کرنە و شەرمەزارکرنا کوشتنا وەلاتیان یا ل پارێزگەهێن کرماشان، ئیلام و لۆرستانێ یە.

پارتی و رێخستنێن رۆژهلاتێ کوردستانێ د داخویانیا خوە یا هەڤبەش دە دیار کر کو خوەنیشاندانێن کو ل ئیرانێ ددۆمن تێکۆشینا “ماف، ئازادی، ڤەگەراندنا روومەتا مرۆڤاهیێ و بداویئانینا جوداکاریێ” نە.

د داخویانیێ دە موداخەلەیا توند یا ل هەمبەری داخوازێن گەل هات شەرمەزار کرن.

هەر وها بانگ ل خەلکێ هات کرن کو رۆژا 8ێ کانوونا پاشین یا 2026ان ل سەرانسەرێ رۆژهلاتێ کوردستانێ دەریێن دکانان ڤەنەکن و گرەڤا گشتی بکن.