حهلهب: ئێریش و تۆپبارانا ل سەر تاخێن كوردان بەردەوامن
بەشا رۆژهلاتی یا تاخا شێخ مەقسوود و تاخا ئەشرەفیێ یا حهلهبێ ب دژواری تێنە تۆپبارانکرن و هێزێن ئەولەکاریا هوندر (ئاسایش) ل هەمبەری هەولدانێن کەتنا ناڤ تاخێ ل بەر خوە ددن.
ناڤەندا راگهاندنێ یا هێزێن ئەولەکاریا هوندر – حهلهب راگهاند، چەتەیان بەشا رۆژهلاتی یا تاخا شێخ مەقسوود ب تانک، تۆپێن گران و مووشەکێن گرادێ کرنە ئارمانج. د ئەنجاما ڤێ تۆپبارانا هۆڤ دە، زیانەکە مەزن گهیشتیە مال و ملکێن سڤیلان و بنەسازیا تاخێ.
ل گۆری داخویانیێ، چەتەیان هەول دایە کو بکەڤن هوندرێ تاخێ و ب پێش ڤە وەرن، لێ هێزێن ئەولەکاریا هوندر ب توندی بەرسڤا وان دانە.
هات راگهاندن کو هێزێن ئاسایشێ ب چەکێن راشاش شەرەکی دژوار د ناڤبەرا هێزێن ئەولەکاریێ و ئێرشکەران دە بەردەوام دکە و ئەو ب بریارداری رێ ل بەر پێشڤەچوونا چەتەیان گرتنە.
ئەڤ ئێرشا کو دوهـ سائەت د 15:00ان دە دەست پێ کر، د دەمەکێ دە تێ کو هەر دو تاخێن شێخ مەقسوود و ئەشرەفیێ ئەڤ دو رۆژن د بن دۆرپێچەکە گران دەنە. چاڤکانیێن هەرێمی دیار دکن کو ئەڤ ئێرش و دۆرپێچ ژیانا ب هەزاران سڤیلان دخە مەترسیێ و رەوشا مرۆڤی یا ل تاخێن شێخ مەقسوود، ئەشرەفیێ و بەنی زەید هەر کو دچە خەرابتر دبە.
