مەسروور بارزانی: هەدەفگرتنا کوردێن حەلەبێ ژ بۆ گوهەرتنا دەمۆگرافیێ یە

مەسروور بارزانی راگهاند کو ئارمانجگرتنا کوردانا ل حه‌له‌بێ ژ بۆ گوهەرتنا دەمۆگرافیا هەرێمێ یە و ئەڤ یەک وژدانا جڤاکا ناڤنەتەوەیی دخە بن پرسیارێ.

سەرۆکوەزیرێ هەرێما کوردستانێ مەسروور بارزانی ل سەر روودانێن داوی یێن ل حه‌له‌بێ داخویانیەک دا.

سەرۆکوەزیرێ هەرێما کوردستانێ مەسروور بارزانی ل سەر ئێرشێن کو ل تاخێن کوردانێن حه‌له‌بێ تێن کرن هەلوەستا خوە نیشان دا.

مەسروور بارزانی دیار کر کو ئەڤ بوویەر مەترسیێ ل سەر ژیانا وەلاتیێن سڤیل چێدکن و گۆت: “بوویەرێن ل حه‌له‌بێ و هەدەفگرتنا کوردان یا ژ بۆ گوهەرتنا دەمۆگرافیا هەرێمێ و چێکرنا گەفێ ل سەر ژیانا سڤیلان، رایەدارێن شامێ و وژدانێ جڤاکا ناڤنەتەوەیی دخە بن پرسیارێ.”

مەسروور بارزانی دیار کر کو شەر چارەسەری نینە و وها پێ دە چوو: “شەر و توندووتووژی ب ئاوایەکی بنگەهین ت پرسگرێک چارەسەر ناکن. دڤێ ت هنجەت رێ نەدە پاقژکرنا ئەتنیکی. ئێرشێن ل سەر تاخێن کوردان یێن باژارێ حه‌له‌بێ، ئەم ب ئاوایەکی کوور دلگران کرنە.”

سەرۆکوەزیرێ هەرێما کوردستانێ خوەست کو پرسگرێک ب رێیا ئاشتیانە بێن چارەسەرکرن و گۆت: “ئەم هێڤیدارن هەموو ئالی ئارامیێ بپارێزن، ژیانا وەلاتیان بپارێزن و ژ بۆ چارەسەریا پرسگرێکان، سەری ل دیالۆگ و گۆتووبێژان بێ دایین.”

مەسروور بارزانی د داویا پەیاما خوە دە بەحسا شێوازێ برێڤەبریا سووریەیێ ژی کر و ئانی زمێن: “هەر وها ئەم هێڤیدارن سیستەما برێڤەبریا نها یا سووریەیێ، د ئاستا بەرپرسیاریا دەستهلاتەکە دەمۆکرات و گشتگیر دە بە ژ بۆ هەموو خەلکێ سووریەیێ.”