ئێریشێن رێڤەبرییا شامێ یێن ل سەر تاخێن کوردان یێن حەلەبێ، دەستپێکا رێ ل بەر گرتنا، ستاتویەکا رۆژئاڤایێ کوردستانێیە؛ دەستپێکا رێ ل بەر گرتنا ئازادی، دەمۆکراس، عەدالەت، پر رەنگی و وەکھەڤییا ھەموو پێکھاتەیێن ئەتنیکی، دینی، مەزھەبی، جڤاکی یێ ل سوورییەیێ یە.
ئێریشێن کۆمێن چەکداریێن گرێدایی رێڤەبرییا شامێ یێن ل سەر تاخێن شێخمەقسوود و ئەشرەفیێ یێن باژارێ حەلەبێ کو پرانییا وان کوردن، ئێریشێن تەرۆری نە، ئەم ڤان ئێریشان شەرمەزار دکن.
ئەم بانگی ھەڤپەیمانییا ناڤدەولەتی، سازیێن ناڤدەولەتی، ب تایبەتی نەتەوەیێن یەکبوویی و کۆنسەیا ئەورۆپایێ دکن دا کو دەملدەست رێ ل بەر ڤان ئێریشێن رێڤەبرییا شامێ بگرن.
ئەم بانگی دەولەتا ترکییێ دکن دا کو دەست ژ پشتگرییا ھێزێن نیژادپەرەست و توندرەویێن ل سوریێ بەردە و سیاسەتا دژێ کورد بتەرکینە.
ھەموو کوردێن ل ھەر چار پارچەیێن کوردستانێ و دیاسپۆرایێ دڤێت ڤان ئێریشێن ھێزێن توندرەو یێن ل سەر تاخێن کوردان یێن ل حەلەبێ ب ھەلوەستەکا یەکگرتی شەرمەزار بکن، دڤێت ل دۆزا گەلێ مەیێ رۆژئاڤایێ کوردستانێ خوەدی دەرکەڤن، پشتگرییا وان بکن.
ئەم بانگی رێڤەبرییا خوەسەر و ھەموو پارتییێن رۆژئاڤایێ کوردستانێ دکن دا کو ل گۆری چارچۆڤەیا کۆنفەرانسا قامشلۆیێ یا کو رۆژا 26ێ نیسانا 2025ێ ل دار کەتبوو تەڤبگەرن. ژ بۆ بەرژەوەندی و بدەستخستنا مافێن نەتەوەیی، دەمۆکراتیک یێن گەلێ مە رۆژئاڤایێ کوردستانێ دڤێت شاندا تەمسیلی یا کو د کۆنفەرانسا قامشلۆیێ دە ھاتبوو قەبوول کرن زێدەتر چالاک ببە و تەمسیلا رۆژئاڤایێ کوردستانێ بکە.
وەک ھاک-پار، پەدەکە-باکور، پەسەکە، پارتییا وەلاتپارێزێن کوردستانی، ئەم ب ھەموو ھێزا خوە پشتگرییا تێکۆشینا گەلێ مەیێ رۆژئاڤایێ کوردستانێ یا ژ بۆ سیستەمەکا فەدەرالی، دەمۆکراتیک، وەکھەڤ، ئازاد و دادوەر و تێکۆشینا ھەموو پێکھاتەیێن نەتەوەیی، ئەتنیکی، دینی، مەزھەبی، جڤاکی یا ھەموو گەلێن سوورییەیێ دکن.
