سه‌رۆك بارزانی ئیرۆ راگهاند، كامپانیا و ره‌فتارێن ل دژی په‌نابه‌رێن عه‌ره‌ب یێن ل هه‌رێما كوردستانێ دژین نه ره‌وانه و ل گه‌ل نرخێن گه‌لێ كوردستانێ ناگونجن و گۆت: نابە بەرپرسیاریا کرنا تاوانان ژ هێلا خەلکەکی ڤە ل سەر خەلکەکێ دن بێ حەسابکرن.
د رەنگڤەدانا ل هەمبەر بوویەرێن چەند رۆژێن بۆری یێن باژارێ حەلەبێ دە، مخابن ل هن مالپەرێن مەدیایی، مەدیایا جڤاکی و ناڤەندێن دن کامپانیایەک ل دژی وەلاتیێن عەرەبێن سووریەیی یێن کو ل هەرێما کوردستانێ دژین تێ دیتن.
کامپانیا و رەفتارێن ب ڤی رەنگی نە رەوانە و ب چ رەنگان ب بنگەهـ و نرخێن گەلێ کوردستانێ رە ناگونجن و ل دژی سیاسەت و نێرینا گشتی یا دەزگەهێن هەرێما کوردستانێ نە.
ب راستی، نابە بەرپرسیاریا کرنا تاوانان ژ هێلا خەلکەکی ڤە ل سەر خەلکەکێ دن بێ حەسابکرن کو تو تێکلیا وان ب وان تاوانان رە نەبوویە.
دڤێ رێز ل وان پەنابەر و وەلاتیێن عەرەبێن سووریەیی بێ گرتن یێن کو پەنایا خوە ئانیە بەر هەرێما کوردستانێ و ل ڤێ دەرێ دژین و دڤێ ئەڤ کامپانیایا نەرەوا بێ بداویئانین و ئالیێن پەیوەندیدار رێیێ ل دوبارەبوونا رەفتارێن وەسا بگرن.
