ھەسەدە: ھێزێن ئارتێشا عەرەبی یا سووریەیێ دێر حافرێ تۆپباران دکن

ھێزێن سووریەیا دەمۆکراتیک (ھەسەد)ێ راگھاندن: ھێزێن ئارتێشا عەرەبی یا سووریەیێ نھا دێر حافرێ تۆپباران دکن و ل باژارکێ ئەبوو حەمامێ ل دەردۆرا رۆژھلاتێ دێرازۆرێ ژی ئێریش کر سەر خالەکا کۆنترۆلێ یا ھێزێن مە.

ھێزێن سووریەیا دەمۆکراتیک (ھەسەد)ێ ئیرۆ رۆژا سێشەم، 13/1/2026ێ، د داخویانیەکێ دە ئەشکەرە کر کو، دەمژمێر 23:25ێ شەڤێ ھێزێن چەکدارێن گرێدایی ئارتێشا عەرەبی یا سووریەیێ ل ئەبوو حەمامێ و ل ئالیەکێ دن ژی ل بەرەیێ چەمێ فراتێ، ئێریش کر سەر خالەکا ھێزێن وان بێی کو چ زرارەکێ بگھینن ئەندامێن ھێزێن وان.

ھەسەدێ ھەروەسا راگھاند کو، ھێزێن وان تەڤلێ بەرسڤا چاڤکانیا ئێریشا وان دایە و ھەمی رێکار ب جھ ئانینە دا کو خالێن خوە ل وێ دەڤەرێ بپارێزن.

ھێزێن سووریەیا دەمۆکراتیک (ھەسەد)ێ ھەروەسا راگھاند: ھێزێن ئارتێشا عەرەبی یا سووریەیێ دەست ب تۆپبارانکرنا دێر حافرێ کریە. ھەروەسا گۆت: زرارێن ڤێ تۆپبارانێ هێژ ژی نایێن زانین.