سەرۆک بارزانی پێشوازی ل نوونەرێ ترامپ کر: دڤێت مافێن کوردان ل سووریەیێ بهێن مسۆگەرکرن

سەرۆک مەسعوود بارزانی ئیرۆ 17ێ چلەیێ پێشوازیا نوونەرێ تایبەتێ سەرۆک ترامپ ژ بۆ کارووبارێن سووریەیێ تۆم باڕاک، بالیۆزێ ئامەریکایێ یێ ل ترکیەیێ و شاندەیا لگەل کر.

د ھەڤدیتنێ دە کو سەرۆکوەزیرێ ھەرێما کوردستانێ مەسروور بارزانی ژی ئامادە بوو، تۆم باڕاک سلاڤ و رێزێن سەرۆک ترامپ گھاندن سەرۆک بارزانی. باڕاک ھەروھا پێزانینێن خوە ژ بۆ رۆلا سەرۆک بارزانی یا د پرۆسەیا ئاشتیێ و ئارامکرنا گەشەدانێن داوی یێن ل سووریەیێ دە نیشان دا.

د جڤینێ دە، رەوشا ئالۆزا سووریەیێ و گوھەرتنێن داوی یێن لەشکەری و سیاسی یێن ل سەر ئەردێ ھاتن نرخاندن. ھەر دو ئالیان تەکەز کر کو ژ بۆ گھیشتنا چارەسەریەکا ماییندە، دڤێت مرۆڤ پشتا خوە بسپێرە دیالۆگ، تێگھشتن و رێبازێن ئاشتیانە.

مافێن کوردان د سووریەیا داھاتوویێ دە

سەرۆک مەسعوود بارزانی سپاسیا رۆلا ئامەریکایێ کر کو ئالیکاریا ئالیێن سووریەیی دکە، دا کو پرسگرێکان چارەسەر بکن. سەرۆک بارزانی ب تایبەتی دەستنیشان کر کو د سبەرۆژا سووریەیێ دە، مسۆگەرکرنا مافێن گەلێ کورد مەرجێ بنگەھینێ ئارامی و دەمۆکراسیێیە.