سەرۆک بارزانی پەیامەک ژ بۆ رایا گشتی وەشاند

سەرۆک بارزانی پەیامەک ژ بۆ رایا گشتی وەشاند کو تێ دە دبێژە: مە ھەمی بزاڤێن خوە خستنە کار و ئەم بەردەوامین کو خووشک و برایێن مە ل رۆژئاڤا تووشی کارەسات و نەخوەشیان نەبن.

سەرۆک بارزانی د پەیاما خوە دە دبێژە: دڤێت ھەمی ئالی ب بەرپرسیاری و بێ ھەست تەڤبگەرن و وەسا چێ نەبە کو زرار بگھیژە خووشک و برایێن مە ل رۆژئاڤا، کو ب چ رەنگان نایێ قەبوولکرن.

پەیاما سەرۆک بارزانی وەهایە:

ب ناڤێ خودایێ مەزن و دلۆڤان

ئەم ب نیگەرانیەکا مەزن و ب ھووری پێشکەتن و روودانێن داویێ یێن سووریە و رۆژئاڤا دشۆپینن. د ڤێ رەوشا حەساس دە، دڤێ ھەمی ئالی ب بەرپرسیاری و دووری ھەستان تەڤبگەرن و وەسا چێ نەبە کو زرار بگھیژە خووشک و برایێن مە ل رۆژئاڤا، کو ئەڤ ب تو رەنگان نایێ قەبوولکرن.

مە ھەمی بزاڤێن خوە خستنە کار و ئەم بەردەوامن کو خووشک و برایێن مە ل رۆژئاڤا تووشی کارەسات و نەخوەشیان نەبن.

ژ ئالیەکی دن ڤە د وێ رەوشا ئالۆزا کو چێ بوویە دە، مەترسیا سەرھلدانا داعشێ و تەرۆرێ ژی ھەیە کو ئەو ب خوە ل سەر تەناھی و ئەولەھیا دەڤەرێ گەفەکەکا پر جدییە. ئەم ل ڤێ دەرێ بانگ ل جڤاکا ناڤنەتەوەیی و ھەڤپەیمانان دکن کو ب بەرپرسیاریا خوە رابن و دەملدەست ئالۆزی و شەر و پەڤچوونان راوەستینن، ئاگربەستەکا سەرانسەری راگھینن و پرسگرێک ب ئاوایەکێ ئاشتیانە و ب رێیا دیالۆگێ بێن چارەسەرکرن.

مەسعوود بارزانی

20ی چلەیا 2026ێ