سەرۆک بارزانی ژ ئهحمهد شەرع رە: پێویستە ماف و روومەتا گەلێ کورد پاراستی بە
سەرۆک مەسعوود بارزانی و سەرۆکێ سووریەیێ ئهحمهد شەرع ب تێلەفۆنێ پەیوەندیەک ئەنجام دان. د پەیوەندیێ دە رەوشا داوی یا سووریەیێ و مافێن کوردان هاتن گۆتوبێژکرن.
ل گۆری زانیاریان، سەرۆکێ سووریەیێ ئهحمهد شەرع پێوەندی ب سەرۆک مەسعوود بارزانی کریە و ئاگاهیێن داوی یێن دەربارێ رەوشا سووریەیێ دە ژێ رە پارڤە کرنە.
سەرۆک مەسعوود بارزانی د ڤێ پەیوەندیا تێلەفۆنی دە هەلوەستا خوە یا ژ بۆ ئاشتیێ نیشان دا و دەستنیشان کر کو ئەو هەر تم پشتگریێ ددن چارەسەریەکە ئاشتیانە. سەرۆک بارزانی تەکەزی ل سەر وێ یەکێ کر کو “دڤێ ماف و روومەتا گەلێ کورد ل سووریەیێ ب تەڤاهی وەرە پاراستن.”
ئهحمهد شەرع: مافێن نەتەوەیی و سیاسی یێن کوردان گارانتینە
سەرۆکاتیا کۆمارا سووریەیێ شەڤا بۆری دەربارێ ناڤەرۆکا پەیوەندیێ دە داخویانیەک بەلاڤ کر. ل گۆری داخویانیێ، ئهحمهد شەرع ژ سەرۆک بارزانی رە راگهاندیە کو “ل سووریەیێ هەموو مافێن نەتەوەیی، سیاسی و مەدەنی یێن کوردان پاراستینە.”
هەروها هات دیارکرن کو هەر دو ئالیان ل سەر هەڤاهەنگیا بەردەوام ژ بۆ چەسپاندنا ئاشتی و ئەولەهیێ ل هەرێمێ و دیتنا رێیێن گونجاو ژ بۆ چارەسەرکرنا پرسگرێکان، ل هەڤ کرنە.
