باخچەلی دییاریا ئۆجالان ب قالیچەیا ئاشتی و دەمۆکراسیێ بناڤ کر

سەرۆکێ مەھەپێ دەولەت باخچەلی داخویانیێن بالکێش دان. باخچەلی دەربارێ پێڤاژۆیا “ترکیەیا بێ تەرۆر” دە ژ تیڤی 100ێ رە ژ بۆ دەنیز گوورەل و باشاک شەنگول ئاخڤی و دیار کر کو سەرۆکێ پەکەکێ عەبدوللاھ ئۆجالان قالیچەیەک دیاری ژێ رە رێکریە.

باخچەلی گۆت: “دەما کو شاندا پارتیا دەمێ د 12ێ کانوونا پێشین یا 2025ێ دە ل پارلامەنتۆیێ سەردانا مە کر، وان قالیچەیەک کو ب تایبەتی ژ ھێلا رێبەرێ وانێ دامەزرینەر عەبدوللاھ ئۆجالان ڤە ل شانلیعورفایێ ھاتیە چێکرن، پێشکێشی مە کر. ئەز ژ بۆ دلسۆزیا وی یا د دەربارێ یەکیتی و براتیا ترک و کوردان دە سپاسیا وی دکم.

من ئەڤ یەک ب کێفخوەشی پێشوازی کر و ژ شاندا مێڤان رە گۆت: د چاندا مە دە، ھەر قالیچەیەکێ ناڤەک ھەیە، و ئەز ڤێ قالیچەیێ وەکی قالیچەیا ئاشتی و دەمۆکراسیێ یا 27ێ شوباتا 2025ێ ب ناڤ دکم.”