ل هەولێرێ ناڤێ كهزی ل چاریانهكێ تێ کرن
پارێزگارێ هەولێرێ ئۆمێد خۆشناو ئیرۆ 28ێ چلەیێ ب ئەندامێن ئەنجوومەنا شارەدارییا هەولێرێ رە جڤیا. د جڤینێ دە ب یەکدەنگی بریار هات گرتن کو چارەرێیەک ل هەولێرا پایتەخت ب ناڤێ “کەزی” وەرە بناڤکرن.
پارێزگار ئۆمێد خۆشناو د جڤینێ دە پێشنیار کر، ژ بۆ بیرانین و روومەتا دۆزا نەتەوەیی، ناڤێ “کەزی” ل چارەرێیەکێ وەرە کرن. خۆشناو دەستنیشان کر کو ئەڤ ناڤ ئیرۆ بوویە سەمبۆلا بریاردارییا گەلێ کورد یا ل سەر مافێن خوە، زیندیکرنا روحێ بەرخوەدانێ و رووبرووبوونا زلما داگیرکەران.
پارێزگارێ هەولێرێ تەکەز کر، ئەڤ پێنگاڤ خوەدی رەهەندەکە نەتەوەیی و نشتمانییە و پەیامەکە زەلالە ژ بۆ یەکدەنگیا ناڤمالا کورد.
ئەندامێن ئەنجوومەنا شارەدارییا هەولێرێ پشتی نرخاندنا پێشنیارێ، ب یەکدەنگی ناڤێ “کەزی” ژ بۆ چارەرێیەکە باژێر پەژراندن. ئەنجوومەنێ بال کشاند سەر گرنگی و ناڤەرۆکا ڤێ بریارێ و دیار کر کو ئەڤ یەک ئیسپات دکە کو گەلێ کوردستانێ ل هەر پارچەیەکی بن ژی، ب یەک روحی و یەک هشمەندیێ ل دژی داگیرکەریێ خوەدی هەلوەستن.
د بەشەکە دن یا جڤینێ دە، پارێزگارێ هەولێرێ داخواز ژ ئەندامێن ئەنجوومەنێ کر کو د خزمەتکرنا وەلاتیان و جیبجیکرنا پرۆژەیێن حکوومەتێ دە رۆلەکە چالاکتر بلیزن.
