مخابن ئهو هێژ ژی قالا براتییا گهلان دكن!!
فەرماندارێ بریارگەها ناڤەندی یا ههپهگێ مورات قارایلان، دەربارێ ئێرشێن ل سەر رۆژئاڤایێ کوردستانێ دە راگهاند، ئەڤ ئێرش کۆمپلۆیەکە ناڤنەتەوەیییە و ب تایبەتی ئارمانج دکە کو کوردان ژ دیزاینا نوو یا هەرێمێ دەرڤە بهێلە و براتیا گەلان تێک ببە.
قارایلان ب د هەڤپەیڤینەکێ ب مەدیایەکە نێزیکی پهكهكێ رە ئاشکەرە کر، بەریا ئێرشێن حەلەبێ، د 4ێ چلەیێ دە د ناڤبەرا ههسهدێ و حکوومەتا شامێ دە هەڤدیتنێن گرینگ هەبوون و نێزی ئەنجامێ ببوون. لێ بەلێ ئەڤ دییالۆگ ب زانەبوون هاتن سابۆتەکرن.
قارایلان گۆت: «پشتی جڤینا 5ێ چلەیێ یا ل پاریسێ، د 6ێ چلەیێ دە ئێرش دان دەستپێکرن. دخوازن کوردان ل دەرڤەیی سووریەیا نوو بهێلن. ههسهدێ سووریە ژ داعشێ رزگار کر، د شەرتێن نۆرمال دە دڤێ ب هەڤ رە دەولەت ئاڤا کربان، لێ ئیرۆ ههسهدێ ئارمانج دگرن، دا کو ستاتویا کوردان تونە بکن.»
قارایلان: ئێریشێن ل سهر رۆژئاڤا ژ بۆی تێكبرنا براتییا گهلانه و نهتهوهیا دهمۆكراتیك چارهسهری یه
مورات قارایلان بال کشاند سەر پەیامێن “پێڤاژۆیا ئاشتیێ”یێن ل ترکیەیێ و هشیاری دا دەولەتا ترکیەیێ و گۆت: «دڤێ هەر کەس بزانە؛ ل سەر جەنازەیێ رۆژئاڤایێ کوردستانێ ب کوردان رە ئاشتی نابە. تویێ ل رۆژئاڤا قرکرنێ بمەشینی، لێ ل باکور یان ژی ل هەرێمێ ل بەندا ئاشتیێ بی! ئەڤنە پێکانە. هەکە ب راستی ئاشتی و خوشک-براتی تێ خوەستن، دڤێ ئەڤ سیاسەتا تونەکرنێ یا ل دژی رۆژئاڤا وەرە تەرککرن.»
قارایلان تەکەز کر، سیستەما ل باکور و رۆژهلاتێ سووریەیێ نە ل سەر بنگەها دەستهلاتداریێ، لێ ل سەر بنگەها کەدکارێن عەرەب، کورد و ئاسووری-سوریانییان هاتیە ئاڤاکرن.
وی دیار کر کو خەتا “نەتەوهیا دەمۆکراتیک” تەنێ رێیا چارەسەریێیە و گۆت: «یێن ههسهده ب تەنێ هشتن، هنەک شێخێن عەشیران بوون؛ لێ ئەم نکارن بێژن ئەو هەموو گەلێ عەرەبن. براتییا گەلان خەتەکە راستە و ئەڤ کۆمپلۆ ب تایبەتی ناڤبەرا گەلان ئارمانج دگرە، دا کو دژمناتیێ پێش بخە.»
