هاكان فیدان پێشنیارا ئێریشهكه ههڤپارا ل گهل حهشدا شهعبی ل دژی پهكهكێ ل ههرێما كوردستانێ دكه
وهزیرێ دهرڤه یێ تركیهیێ هاكان فیدان راگهاند كو ترکیە زەختێن ل سەر بەغدایێ زێدە دکە دا کو گاڤێن بەربچاڤ ل دژی پهكهكێ ل ههرێما كوردستانێ باڤێژە و راگهاند، ئۆپەراسیۆنەکا هەڤرێز دکارە ب لەز و بەز چەپەرێن پهكهكێ ژ هۆلێ راکە.
هاکان فیدان د ههڤدیتنهكێ ده بۆ CNN Turk ێ گۆت كو هەبوونا خورت یا پهكهكێ ل هەرێما کوردستانێ و ئیراقێ دبە مژارەکە ئەولەهییا هەرێمی یا ناڤەندی.
فیدان دبێژە پشتی پێشکەتنێن داوی یێن ل سووریەیێ بالا ستراتەژیکا ئەنقەرێ بەر ب ئیراقێ ڤە دچن، کو پهكهكه ل ور کەلەهێن خوە دپارێزە، ب تایبەتی ل هەرێما شنگالێ یا نێزیکی سینۆرێ سووریەیێ.
فیدان دبێژە، “پهكهكه رێخستنەکە کو ل دژی ترکیەیێ هاتیە دامەزراندن، لێ ئەو ئاخا د هوندرێ ترکیەیێ دە داگیر ناکە. لێبەلێ، ل ههرێما كوردستانێ، ئەو دەڤەرێن بەرفرەهێن ئەردێ داگیر دکە.”
هاكان فیدان گۆت: وی نێزیکی 20 جڤینان ب سەرۆکێ حهشدا شهعبی فالح فهیاز رە ل دار خستینە و پێشنیار دکە کو ئۆپەراسیۆنەکا هەڤرێز دکارە ب لەز و بەز چەپەرێن پهكهكێ ژ هۆلێ راکە.
فیدان دبێژە، “گەر حهشدا شهعبی ل سەر ئەردێ پێشڤە بچە دەما کو ئەم ئۆپەراسیۆنێن هەوایی دکن، ئەڤێ دو ئان سێ رۆژان بدۆمە،” و ئۆپەراسیۆنەک وسا وەکی ئۆپەراسیۆنەک لەشکەری یا راستەراست ب ناڤ دکە.
