ئۆجالان بداویبوونا قۆناغا یهكهم یا چهكدانینێ و دهستپێكرنا قۆناغا دویهم یا پێڤاژۆیێ رادگهینه
سەرۆکێ پهكهكه یا هلوهشاندی، عهبدوللا ئۆجالان، بداویبوونا قۆناغا یەکەم یا هلوەشاندنا پارتیێ و تێکۆشینا چەکداری و دەستپێکرنا قۆناغا تهڤلیبوونا دهمۆكراتیك “ئەنتەگراسیۆنێ” و نیقاشکرنا رێیێن پێشەرۆژێ رادگهینه.
شاندەیا دهم پارتیێ یا ئیمرالیێ، پشتی هەڤدیتنا دوهـ، پەیامەکە نوو ژ ئۆجالان راگهاند، کو تێ دە ئۆجالان دبێژه: قۆناغا یەکەم یا پێڤاژۆیێ، کو بنگەها وێ دانینا چەکان ژ ئالیێ پارتیا کارکەرێن کوردستانێ ڤە بوو، ب داوی بوویە، و قۆناغا “ئەنتەگراسیۆنا دەمۆکراتیک” نها دەست پێ کریە.
د ڤێ ناڤبەرێ دە، میدحهت سانجار ئهندامێ شاندەیا ئیمرالیێ یا دهم پارتیێ ژ مەدیایێ رە ل سەر هەڤدیتنا کو رۆژا دوشەمێ ب ئۆجالان رە پێک هات ئاخڤی، و راگهاند کو ئۆجالان ئەڤ هەڤدیتن وەکی “جڤینەک ژ بۆ دەستپێکرنا ئەنتەگراسیۆنێ” ب ناڤ کر.
سنجار دەستنیشان کر کو ئۆجالان 16 مەهێن داوی یێن پێڤاژۆیێ نرخاندیە و گۆتیه: “قۆناغا یەکەم ب داوی بوویە، کو ب بریارا هلوەشاندنا رێخستنێ و تێکۆشینا چەکداری ڤە گرێدایی بوو، بنگەها ڤێ قۆناغێ چارەسەریا پارتیا کارکەرێن کوردستانێ و دانینا چەکان بوو، و ئەڤ بریار ژ بۆ من ستراتەژیکە”.
ئۆجالان هەر وها دەست نیشان کر کو ئەو نها کەتنە قۆناغا دویەمین، کو تێ دە بالێ دکشینە سەر “پشتی ئەنتەگراسیۆنێ” و نیقاشکرنا رێیێن کو ژ نها و پێ ڤە دێ وەرن گرتن.
