ھەمی رێیێن سەرەکی یێن حەسەکەیێ ئیرۆ تێن ڤەکرن
ھەمی رێیێن سەرەکی یێن پارێزگەھا حەسەکەیێ ژ نوو ڤە ھاتنە ڤەکرن و ب بریارا پارێزگارێ پارێزگەھێ، گەشتێن ئاسمانی یێن د ناڤبەرا حەسەکە و شامێ دە تێن نۆرمالکرن، لێ بریارا ڤەکرنا رێیێن سەرەکی ل قامشلۆیێ ھین ژی نەھاتیە بجیھانین.
ب بریارا پارێزگارێ حەسەکەیێ نوورەدین عیسا، رۆژا یەکشەمب، 22یێ شوباتا 2026ێ، ھەمی ئەو رێیێن کو بەر ب باژارێ حەسەکەیێ ڤە دچن دێ ل بەر رێویان بێن ڤەکرن.
پارێزگارێ حەسەکەیێ ھەروەسا گۆت کو، ئەڤ پێنگاڤ پشتی وێ یەکێ تێ کو ئالیێن پەیوەندیدار ھەمی رێکارێن پێدڤی ژ بۆ مسۆگەرکرنا ئەولەھیا جڤاکی بداوی ئانینە.
نوورەدین عیسا تەکەز ژی کر کو، پلان ھەنە کو گەشتێن ئاسمانی یێن د ناڤبەرا حەسەکە و شامێ دە بێن دەستپێکرن. ئارمانجا ڤێ بریارێ چالاککرن و خورتکرنا تێکلیێن جڤاکی د ناڤبەرا وەلاتیێن دەڤەرێن جودا جودا دە و ھێسانکاریێن ژ بۆ ڤەگوھەستنا کەلووپەل و پێدڤیتیێن بازرگانی و مرۆڤی ژ بۆ ناڤ پارێزگەھێنە.
