ئیلھام ئەحمەد: دڤێت مافێن ھەمی پێکھاتەیێن سووریەیێ بێن پاراستن
ھەڤسەرۆکا تێکلیێن دەرڤە یا رێڤەبەریا خوەسەر راگھاند کو، ئەڤ ب دەھان سالن کو مافێن کوردان ل سووریەیێ ھاتنە بنپێکرن. د سەرانسەرێ دیرۆکێ دە، کوردان خزمەتا مرۆڤاھیێ کریە و ژ بۆ بدەستخستنا ئازادیێ گەلەک تێکۆشان کریە. مە ل دژی داعشێ شەر کر و مە مرۆڤاھی ژ شەرەکی مەزن رزگار کر.
ھەڤسەرۆکا تێکلیێن دەرڤە یا رێڤەبەریا خوەسەر ئیلھام ئەحمەد ئیرۆ رۆژا چارشەمبی، 25ێ سباتا 2026ێ، راگھاند: ئەم دخوازین کو پێکھاتەیێن سووریەیێ ب ئازادی بژین و دڤێت مافێن ھەمی پێکھاتەیێن سووریەیێ بێن پاراستن.
ئیلھام ئەحمەد ئاماژە ژی دا: ئەڤ ب دەھان سالن کو مافێن کوردان ل سووریەیێ ھاتنە بنپێکرن. د سەرانسەرێ دیرۆکێ دە، کوردان خزمەتا مرۆڤاھیێ کریە و ژ بۆ بدەستخستنا ئازادیێ گەلەک تێکۆشان کریە. مە ل دژی داعشێ شەر کر و مە مرۆڤاھی ژ شەرەکی مەزن رزگار کر.
وێ ھەروەسا گۆت: ل بەرانبەری وی شەرێ کو مە ل دژی تەرۆریستێن داعشێ کریە، مافێ ھەری کێم بنەجھکرنا مافێن کوردان د دەستوورا سووریەیێ دەیە، ئەو پێنگاڤا کو دڤێت بێ ئاڤێتن ھین ژی نەھاتیە ئاڤێتن.
ئیلھام ئەحمەد ئاماژە ژی دا: دڤێت سیستەمەک ھەبە کو مافێن ژنان بپارێزە. ئەڤ پەیمان ھاتیە چێکرن، ھەڤفێمکرن د ناڤبەرا ھێزێن ئەولەھیێ دە ھاتیە کرن، پرسگرێک و ئاستەنگی ھین ژی مانە، لێ ئەم ل سەر دانوستاندنان بەردەوامن کا ئەم چاوا وان چارەسەر بکن بکن.
ھەڤسەرۆکا تێکلیێن دەرڤە یا رێڤەبەریا خوەسەر تەکەز ژی کر کو، دەزگەھێن راگھاندنێ یێن نێزیکی حکوومەتا سووریەیێ رۆلەکی خراب د مەزنکرنا پرسگرێکان و بەلاڤکرنا زمانێ توندووتووژیێ دە دلیزن.
