ژ بۆ خزمهتا تركیهیێ ئۆجالان دێ بانگ ل پهكهكێ بکە کا چ هەوجەیە وهره کرن
رێبەرێ پهكهكێ عهبدوللا ئۆجالان دێ د 27ێ سباتێ دە، سالەک پشتی بانگا خوە یا یەکەم، داخویانیەک نوو بدە، دا کو گرینگیا برێڤەبرنا پرۆژەیا ترکیەیا بێتەرۆر نیشان بدە و بانگ ل بەرپرسێن پهكهكێ بکە کا د قۆناغێن پێش دە چ هەوجەیە وەرە کرن.
ل گۆری رۆژنامەیا حوریهت، داخویانیا ئۆجالان دێ ژ ئالیێ رایەدارێن پارتیا وەکهەڤی و دەمۆکراسیێ یا گەلان (پارتیا دەم) ڤە د کۆنفەرانسەکێ دە ل پایتەختا ترکیەیێ وەرە ئەشکەرەکرن. نامەیا ئۆجالان دێ ژ ئالیێ شاندەیا ئیمرالیێ یا پارتیا دەم ڤە کو ژ پارلامەنتەر میدحهت سانجار و پەروین بولدان پێک تێ وەرە خوەندن.
نامەیا سەرۆکێ پهكهكێ دێ پێشکەتنێن ژ پەیاما وی یا یەکەم یا سالا 2025ان ڤە بنرخینە و دەستنیشان بکە کو ئەو نها کەتیە د قۆناغا دویەمین ده.
ئۆجالان، د پەیاما خوە یا یەکەم یا سالا 2025ان دە، بانگ ل پهكهكێ کر کو چەکێن خوە دەینە و داوی ل تێکۆشینا خوە یا چەکداری یا ل دژی ترکیەیێ بینە.
ئۆجالان گۆتبوو، “وەکی هەر جڤاک و پارتیەک نووژەن کو هەبوونا وان ب زۆرێ نەهاتیە راکرن، هوونێ ب دلخوازی کۆنگرەیا خوە بجڤینن و بریارەکێ بدن؛ دڤێ هەموو کۆم چەکێن خوە دەینن و دڤێ پهكهكه خوە فهسخ بكه.”
ل گۆری پەیامێ، پهكهكێ د کۆنگرەیا خوه د گولانا 2025ان دە ل دار خست و بریار دا کو خوە فهسخ بكه.
کۆما یەکەم یا ئەندامان د تیرمەهێ دە ب ئەشکەرەیی چەکێن خوه شهوتاندن و پهكهكێ پاشێ راگهاند کو ئەوێ د جۆتمەهێ دە ژ ئاخا ترکیەیێ ڤەکشە.
داخویانیا سبه یا ئۆجالان دێ بێتر ل سەر ئالیێن دەمۆکراتیک یێن ترکیەیا بێتەرۆر بسەکنە، نەمازە پشتی کو پارلەمەنتۆیێ راپۆرا كۆمسیۆنێ پهژراندی.
د ڤێ ناڤبەرێ دە، وەزیرێ دادێ ئاکن گورلەک تەکەز کر کو هەولدانا ترکیەیا بێتەرۆر دکارە ب هن گوهەرتنێن قانوونی، د ناڤ دە قانوونا دژی تەرۆرێ و قانوونا ل سەر ئیدامکرنا جەزایان، وەرە خورت کرن.
“لێبەلێ،” وی گۆت، “پێدڤییە کو بەری پێکانینا ڤان گوهەرتنان گاڤێن بەربچاڤ ژ رێخستنا تەرۆریست وەرن دیتن،” ب ئیشارەت ب بێچەککرنا ئەندامێن پهكهكێ.
