وەزارەتا پێشمەرگە: چ ئێریش ل سەر هێزێن مە نەهاتنە کرن
ژێدەرەکی ژ وەزارەتا پێشمەرگە راگهاند، چ ئێریشەک ل سەر هێزێن پێشمەرگە نەهاتیە کرن و نووچەیێن د ڤێ بارێ دە نە راستن.
ژێدەرەکی ژ وەزارەتا پێشمەرگە ئیرۆ 3ێ ئادارێ ژ کوردستان24ێ رە ئەشکەرە کر کو “چ ئێریش ل سەر هێزێن پێشمەرگە نەهاتنە کرن.”
ئێریشا ل پردێ نە ل دژی پێشمەرگە بوو
هەمان ژێدەری بال کشاند سەر ئێریشا دوهـ یا ل دەڤەرا پردێ و گۆت: “تەنێ دوهـ ل پردێ ئێریشەک (تەقینەک) چێبوو، لێ ئەو نە ل دژی هێزێن پێشمەرگە بوو. ئەو ئێریش ل هەرێمەکە ڤالا کەتیە، لەوما ئەم نکارن ببێژن کو ئارمانجا وێ هێزێن پێشمەرگە بوو.”
ئەڤ داخویانی د دەمەکێ دە تێ، ژ بەر راگەشیێن لەشکەری یێن ل هەرێمێ، گەلەک نووچەیێن دەربارێ ئێریشێن سەر بنکەیێن لەشکەری دە تێن بەلاڤکرن، لێ وەزارەتا پێشمەرگە ئارامی و سلامەتیا هێزێن خوە ل هەموو ئەنیان پشتراست دکە.
