فرانسا هەڤسۆزی و پشتگریا خوە بۆ هەرێما کوردستانێ یا ل هەمبەری ئێریشان تەکز دکە
سەرۆکێ هەرێما کوردستانێ نێچیرڤان بارزانی و وەزیرێ دەرڤەیێ فرانسایێ ژۆن نوێل بارۆ رەوشا هەرێمێ گۆتووبێژ کرن.
سەرۆکاتیا هەرێما کوردستانێ بەلاڤ کر، دەرەنگا شەڤا بووری، 03.03.2026 سەرۆکێ هەرێما کوردستانێ نێچیرڤان بارزانی پەیوەندیەکە تەلەفۆنی ژ وەزیرێ دەرڤەیێ فرانسایێ ژۆن نوێل بارۆ وەرگرت.
د پەیوەندیێ دە، وەزیرێ دەرڤەیێ فرانسایێ هەڤسۆزی و پشتگریا وەلاتێ خوە ژ بۆ هەرێما کوردستانێ ژ بەر ئێریشێن ل سەر هەرێما کوردستانێ هاتنە کرن، دوپات کر.
هەردو ئالیان پێشهاتێن بەردەوام یێن دەڤەرێ و ئاسۆیێن چارەسەرکرنا پرسگرێکان گۆتووبێژ کرن و ل سەر بەردەوامیا هەماهەنگیا نێزیکا د ناڤبەرا وان دە ژ بۆ پاراستنا ئارامی و ئەولەهیێ هەڤنێرین بوون.
نێچیرڤان بارزانی ژی ژ ئالیێ خوە ڤە سپاسیا پشتگریا بەردەواما فرانسایێ ژ بۆ هەرێما کوردستانێ کر و تەکەز ل سەر گرینگیا رۆلا فرانسا و جڤاکا ناڤدەولەتی د ئارامبوونا ئالۆزیان و دوورخستنا هەرێمێ ژ مەترسیێن شەر دە کر.
