نێچیرڤان بارزانی و ماکرۆن تەکەزی ل سەر پاراستنا ئارامیا ھەرێمێ دکن
سەرۆکێ ھەرێما کوردستانێ نێچیرڤان بارزانی و سەرۆککۆمارێ فرانسایێ ئیمانۆئێل ماکرۆن، د پەیوەندیەکە تەلەفۆنی دە رەوشا ناڤچەیێ و پەیوەندیێن دوالی گۆتووبێژ کرن.
د پەیوەندیێ دە، ھەر دو سەرۆکان ل سەر رەوشا ناڤچەیێ و باندۆرێن شەر نێرینێن خوە پارڤە کرن. ھەر دو ئالیان نیگەرانیا خوەیا کوور ل ھەمبەر مەترسیا زێدەبوونا گرژیان ئانین زمان و ل سەر پێویستیا خورتکرنا ھەولدانێن ناڤدەولەتی ژ بۆ رێگرتن ل بەرفرەھبوونا بازنەیا پەڤچوونان ھەڤنێرین بوون، ب ئاوایەکی کو ئاشتی و ئەولەھی ژ بۆ گەلێن ھەرێمێ ڤەگەرە.
د تەوەرەکە دن یا گوفتووگۆیێ دە، پەیوەندیێن فرانسایێ یێن لگەل ئیراق و ھەرێما کوردستانێ و بەردەوامیا ھەڤکاریان ھاتن گۆتووبێژکرن. ھەر دو ئالیان تەکەزی ل سەر خورتکرنا پەیوەندیێن دۆستانی یێن د ناڤبەرا خوە دە کرن، کو خوەدی دیرۆکەکە درێژا ھەڤکاری و ھەڤاھەنگیێ نە د وارێن جودا دە.
ژ ئالیێ خوە ڤە، نێچیرڤان بارزانی سپاسیا رۆلا پێشەنگا ماکرۆن و فرانسایێ کر، ژ بۆ پشتەڤانیا بەردەواما ژ بۆ ھەرێما کوردستانێ و ئیراقێ، ب تایبەتی د ھەولدانێن دیپلۆماتیک دە ژ بۆ دوورخستنا ھەرێمێ ژ مەترسیێن شەر و ئالۆزیان.
