سەرۆک بارزانی سەرساخی ل مالباتا سالح موسلم کر
سەرۆک مەسعوود بارزانی ژ بەر کۆچا داوی یا سیاسەتمەدارێ ناسکری یێ رۆژئاڤایێ کوردستانێ سالح موسلم پەیامەکە هەڤخەمیێ بەلاڤ کر و سەرساخی ژ مالباتا وی رە خوەست.
سەرۆک بارزانی ئیرۆ 12ێ ئادارێ د پەیامەکێ دە ل سەر تۆرا جڤاکی “X” راگهاند: “ژ بەر کۆچا داوی یا خوەدێژێرازی سالح موسلم، ئەز سەرساخی و هەڤخەمیا خوە ژ مالبات و خزمێن وی رە دخوازم و ژ خوەدایێ مەزن داخواز دکم کو گیانێ وی ب بههشتا بەرین شا بکە.”
دەرەنگیا شەڤا بۆری 11ێ ئادارا 2026ان، هەڤسەرۆکێ بەرێ یێ پهیهدێ سالح موسلم ل نەخوەشخانەیەکێ ل هەولێرێ کۆچا داوی کر.
تەرمێ سالح موسلم ئیرۆ د رێیا دەریێ سینۆری یێ پێشابوور/سێمالکا رە ب مەراسیمەکە تایبەت بەر ب رۆژئاڤایێ کوردستانێ ڤە هات برێکرن و بریارە ل باژارێ کۆبانێ ب ئاخێ وەرە سپارتن.
