سەرۆک بارزانی: تاوانا کیمیابارانکرنا حەلەبجە زولمەکا مەزن بوو ل دژی گەلێ کوردستانێ

 سەرۆک مەسعوود بارزانی د سالڤەگەرا کیمیاباران حەلەبجە دە پەیامەک بەلاڤ کر و راگەھاند: “هێژ ل ئیراقێ کەسێن شۆفینیست ھەنە ل دژی مافێن گەلێ کوردستانێ نە.”

ئیرۆ 16/3/2026ێ سەرۆک مەسعوود بارزانی د سالڤەگەرا 38ێ یا کیمیابارانکرنا حەلەبجە دە پەیامەک ل سەر تۆرا خوەیا جڤاکی X دە بەلاڤ کر و راگەھاند: “تاوانا کیمیابارانکرنا حەلەبجە زولمەکا مەزن بوو ل دژی گەلێ کوردستانێ. ل چ جیھەکی جیھانێ نەبوویە دەولەتەک ھەموەلاتیێن خوە ب چەکێن کیمیایی جینۆساید بکە. لێ د ناڤ ئیراقێ دە ئەو تەوانا مەزن ل دژی گەلێ کوردستانێ ھات ئەنجام دان.”

سەرۆک بارزانی ئاماژە ب وێ یەکێ ژی کر کو: “تەڤی وێ تەوانا ھۆڤانە ژی هێژ ل ئیراقێ کەسێن شۆفینیست ھەنە دژی مافێن گەلێ کوردستانێ نە، تەوانێ حەلەبجە و ھەموو تەوانێن دن یێن دەما بۆری بەرپرسیارتیا وێ یا دیرۆکی و یاسایی ل سەر ملێ ئیراقێیە و دڤێت گەلێ کوردستانێ قەرەبوو بکە.”

د داویێ دە ژی سەرۆک بارزانی گۆت: “د ڤێ بیرئانینێ دە سلاڤ ژ بۆ روحا پاقژیا شەھیدێن حەلەبجە و ھەموو شەھیدێن کوردستانێ.”