نێچیرڤان بارزانی: هەرێما کوردستانێ نە بەشەکێ ئالۆزیانە

سەرۆکێ هەرێما کوردستانێ نێچیرڤان بارزانی و سەرۆکا کۆمیسیۆنا ئەورۆپایێ ئورسولا ڤۆندێرلاین ب تەلەفۆنێ ئاخڤین.

سەرۆکاتیا هەرێما کوردستانێ ل سەر ڤێ پێوەندیا تەلەفۆنی داخویانیەک بەلاڤ کر.

ل گۆری داخویانیێ، د پێوەندیێ دە بپێشکەتنێن داوی یێن رەوشا ئالۆزا هەرێمێ و ئەنجامێن شەر هاتن گۆتووبێژکرن.

هەر دو ئالی ل سەر هەڤکاریا بەردەواما ژ بۆ رووبرووبوونا ئاستەنگیان هەڤنێرین بوون.

وان هەر وها تەکەزی ل سەر گرینگیا پاراستنا ئەولەهی و چارەسەرکرنا ئاشتیانە یا پرسگرێکان کر.

سەرۆکێ هەرێما کوردستانێ نێچیرڤان بارزانی ژ بەر پشتگریا بەردەواما یەکیتیا ئەورۆپایێ یا ژ بۆ ئیراق و هەرێما کوردستانێ سپاسیا خوە ئانی زمێن.

نێچیرڤان بارزانی دوپات کر کو هەرێما کوردستانێ نە بەشەک ژ ئالۆزیانە و دێ وەکی هەر تم ببە فاکتۆرا ئارامی و ئەولەهیێ.

سەرۆکا کۆمیسیۆنا ئەورۆپایێ ژی راگهاند کو ئارامیا ئیراق و هەرێما کوردستانێ ژ بۆ یەکیتیا ئەورۆپایێ خوەدی گرینگیەکە مەزنە.

وێ دیار کر کو یەکیتیا ئەورۆپایێ وەکی هەڤپارەکی گرینگێ هەرێمێ ل وان دنێرە.

ڤۆندێرلاین هەر وها پێبەندیا یەکیتیا ئەورۆپایێ یا ژ بۆ بەردەوامیا ئالیکاریا وان دوپات کر.