ل دو ناڤچەیێن رحایێ ژ بەر بارانا زێدە دبستان بۆ رۆژەکێ ھاتن گرتن
ل ناڤچەیێن سەرێکانیێ و وێرانشارێ یێن رحایێ، ژ بەر بارانا زێدە و ئاستەنگیێن د چوونوھاتنێ دە، دبستان ژ بۆ رۆژەکێ ھاتن راوەستاندن.
پارێزگەھیا رحایێ دەربارێ باندۆرا بارانا زێدە دە داخویانیەک بەلاڤ کر. د داخویانیێ دە ھات دیارکرن، ژ بەر بارانا دژوارا ل ھەرێمێ، تۆرا رێیێن گوندان ل ناڤچەیێن سەرێکانیێ و وێرانشارێ زرار دیتیە و ئەڤ یەک بوویە سەدەما ئاستەنگیان د ڤەگوھاستنا خوەندەکاران دە.
ل گۆری بریارا پارێزگەھیێ، ژ بۆ پاراستنا خوەندەکاران و ژ بەر پرسگرێکێن رێ، ل ھەر دو ناڤچەیان (سەرێکانیێ و وێرانشارێ) دبستانێن سەرەتایی یێن کو پۆلێن وان یێن ھەڤبەش ھەنە، رۆژا دوشەمێ، 23ێ ئادارێ ژ بۆ رۆژەکێ ھاتن گرتن.
