هناردەکرنا پەترۆلێ ب رێیا بۆریا هەرێمێ دەست پێ کر

وەزارەتا سامانێن سروشتی یا هەرێما کوردستانێ راگهاند، ل سەر بریارا سەرۆکوەزیر مەسروور بارزانی و ژ بۆ رووبرووبوونا رەوشا ئاوارتە یا وەلات، هناردەکرنا پەترۆلێ بەر ب بەندەرا جەیهانێ یا ترکیەیێ ڤە دەست پێ کر.

وەزارەتا سامانێن سروشتی یا حکوومەتا هەرێما کوردستانێ ئیرۆ 18ێ د داخویانیەکێ دە دیار کر، ژ بۆ رووبرووبوونا وێ رەوشا “ئاوارتە” یا کو وەلات تێ دە دەرباس دبە، ل سەر بریارا سەرۆکێ حکوومەتێ مەسروور بارزانی، ئیرۆ ساعەت 06:30ێ سبەهێ پرۆسەیا هناردەکرنا پەترۆلێ دەست پێ کریە.

وەزارەتێ ئاشکەرە کر، ب هەڤاهەنگیا ل گەل وەزارەتا پەترۆلا فەدەرالا ئیراقێ، ویستگەها پەترۆلێ یا “سارالۆ” هاتیە خەبتاندن. ل گۆری داخویانیێ، ئارمانج ئەوە کو رۆژانە 250 هەزار بەرمیل پەترۆل بگهیژە ویستگەها فیشخابوورێ و ژ ور ژی ب رێیا بۆریا پەترۆلێ یا هەرێما کوردستانێ بەر ب بەندەرا جەیهانێ یا ل سەر دەریایا سپی ڤە وەرە شاندن.

ئەڤ بریارا سەرۆکوەزیر مەسروور بارزانی د چارچۆڤەیا هەولدانێن ژ بۆ برێکخستنا کەرتا ئەنەرژیێ و پشتگریکرنا ئابۆریا وەلات دە تێ. د داخویانیێ دە هات دەستنیشانکرن، د ڤێ قۆناغا هەستیار دە کو ئیراق و ناڤچە تێ رە دەرباس دبن.