ئهنهكهسه دخوازه تاوانبارێن بێرێزی ب ئالایێ كوردستانێ كری بێن جهزا كرن
سەرۆکێ ئەنجومەنا خوەجهی یا ئهنهكهسێ یا عهفرینێ ئەحمەد حەسەن دیار کر کو بوویەرا نەورۆزێ یا ل عهفرینێ ل هەمبەری کوردان و ئالایا کوردستانێ بنپێکرنەک بوو.
ئەحمەد حەسەن هەر وها ئانی زمان، “ئەم ژ ئیدارەیا عهفرینێ داخواز دکن کو جەزا بدە وان کەسێن بوونە سەدەما دەرکەتنا بوویەرێ.”
سەرۆکێ ئەنجومەنا خوەجهی یا ئهنهكهسیێ یا عهفرینێ ئەهمەد هەسەن ژ تۆرا مەدیایی یا رووداوێ رە ئاخڤی.
ئەحمەد حەسەن ل سەر بوویهرێ وها ئاخڤێ، “پشتی بوویەرا کو د رۆژا یەکەما نەورۆزێ دە قەومی، مە لێکۆلین کر.
وان ژ مە رە گۆت کو سەدەما بوویەرێ ئەوە کو جوانەکی کورد ل کۆبانیێ ئالایا سووریەیێ ئانیە خوارێ.
بوویەرا عهفرینێ ژی وەکی بەرتەکەکێ بوویە ل هەمبەری کریارا وی جوانێ کۆبانیێ.”
سەرۆکێ ئهنهكهسێ یێ عهفرینێ هەر وها گۆت:
“مە دۆهـ داخواز کر کو ئەم ل سەر ڤێ پرسێ سەردانا ئیدارەیا عهفرینێ بکن لێ هەتا نها بەرسڤ نەدانە مە.
ئەم ئیرۆ دوبارە داخواز دکن کو ئەم وان ببینن. ئەم داخواز دکن کو ئەو کەسێن بوونە سەدەما ڤێ بوویەرێ وەرن جەزاکرن.”
ل گۆری گۆتنا ئەحمەد حەسەن، هەتا نها ل سەر وێ بوویەرێ و بنپێکاریان ت کەس نەهاتیە دەستەسەرکرن و وی ل پەی چوو:
“د دەمەکێ دە کو ئەو ئێشاندنا کوردان و هەقارەتکرنا ل ئالایا کوردستانێ بوو، ت کەس نەهاتیە گرتن.”
ئەحمەد حەسەن ل سەر رەوشا نها یا عهفرینێ ژی دیار کر، “پرسگرێک تەنێ د رۆژا یەکەما نەورۆزێ دە هەبوون و نها رەوش ئارامە.”
ئەهمەد حەسەن دەستنیشان کر کو بنپێکاری ل هەمبەری نێزیکی 30 کەسی هاتنە کرن.
وی دا زانین کو ئەو کەسێن وان بنپێکاریان دکن، بەرێ د ناڤا کۆمێن چەکدارێن ل سینۆرێ پارێزگەها دێرەزۆرێ یا سووریەیێ دە بوون.
ئەحمەد حەسەن 21ێ ئادارێ ژ رووداوێ رە گۆتبوو، “گەلەک بنپێکرن ل هەمبەری کوردێن عهفرینێ هاتن کرن. ل هنەک ژ وان خستن و ئەو ئێشاندن.”
ل گۆری چەند دیمەنێن ڤیدیۆیی یێن کو هاتبوون بەلاڤکرن، ل سینۆرێ باژارێ عهفرینێ ئێرشی جوانێن کورد هاتبوو کرن.
د وان دیمەنان دە خویا دبوو کو هەقارەت ل جوانان تێ کرن و ل وان دخن.
