مەزلووم عەبدی سەرساخیێ ژ سەرۆک بارزانی و مالباتێن شەھیدان رە دخوازە

مەزلووم عەبدی ھەڤخەمیا خوە ژ بۆ شەھیدبوونا ھەژمارەکا پێشمەرگەیێن کوردستانێ ل قەزایا سۆرانێ دیار دکە و سەرساخیێ ژ سەرۆک بارزانی، ھەموو رایەدارێن ھەرێمێ و مالباتێن شەھیدان رە دخوازە.

فەرماندارێ گشتی یێ ھێزێن سووریەیا دەمۆکراتیک (ھەسەدێ) مەزلووم عەبدی ئیرۆ رۆژا سێشەمبی، 24ێ ئادارا 2026ێ، ل سەر حەساباێ خوەیا تۆرا جڤاکی یا Xێ پەیامەک ل سەر شەھیدبوونا ھەژمارەکا پێشمەرگەیێن کوردستانێ ل قەزایا سۆرانێ بەلاڤ کر.

مەزلووم عەبدی د پەیاما خوە دە راگھاند: ئەم خەمگینیا خوە ب گەلێ کورد ل ھەرێما کوردستانێ و ھێزێن پێشمەرگە رە پارڤە دکن، ژ بەر شەھادەتا قەهرەمانێن وان.

ناڤبری د بەشەکا دن یا پەیاما خوە دە ژی گۆت: ھەروھا ئەم سەرساخیێ ژ سەرۆک مەسعوود بارزانی، ھەموو رایەدارێن ھەرێمێ و مالباتێن شەھیدان رە دخوازن.

فەرماندارێ گشتی یێ ھەسەدێ د داویا پەیاما خوە دە ژی سلامەتی ژ برینداران رە خوەست و گۆت: ب ھێڤیا شیفایێ ژ برینداران رە.

بنگەھێن پێشمەرگەیان ل قەزایا سۆرانێ ئیرۆ رۆژا سێشەمبێ، 24ێ ئادارا 2026ێ، د دو ئێریشێن جودا دە ژ ئالیێ کۆمارا ئیسلامی یا ئیرانێ ڤە ب مووشەکێن بالیستیک ھاتن ئارمانجکرن و د ئەنجامێ دە شەش پێشمەرگە شەھید بوون و 30 پێشمەرگەیێن دن ژی بریندار بوون.