پارتییا وەلاتپارێزێن کوردستانێ ئێریشا ل سەر مالا سەرۆکێ ھەرێما کوردستانێ شەرمەزار دکە

نڤێسینگەها چاپەمەنییێ یا پارتییا وەلاتپارێزێن کوردستانێ (PWK) د پەیامەکێ دە ئێریشا ل سەر مالا سەرۆکێ ھەرێما کوردستانێ شەرمەزار کر.

نڤێسینگەها چاپەمەنییێ یا پارتییا وەلاتپارێزێن کوردستانێ (PWK) ئیرۆ رۆژا یەکشەم، 29ێ ئادارا 2026ێ، پەیامەک ل سەر ئێریشا ل سەر مالا سەرۆکێ ھەرێما کوردستانێ نێچیرڤان بارزانی شەرمەزار کر.

پەیاما نڤێسینگەها چاپەمەنییێ یا پارتییا وەلاتپارێزێن کوردستانێ (PWK):

ئەم ئێریشا ل سەر مالا رێزدار نێچیرڤان بارزانی شەرمەزار دکن

ھاتە راگەھاندن کو ب درۆنان ئێریشەک ل سەر مالا سەرۆکێ ھەرێما کوردستانێ  رێزدار نێچیرڤان بارزانییا ل دھۆکێ ھاتییە کرن.

ئەڤ ئێریش، ل دژی ئیرادەیا مەشرووع یا ھەرێما فەدەرەیا کوردستانێ و ل دژی گەلێ باشوورێ کوردستانێ ھاتییە کرن.

پشتی ئێریشا دەولەتا ئیرانێ یا داگیرکەر و تەرۆریست کو ئێریشی پێشمەرگەیێن کوردستانێ کربوو و د ئەنجاما ڤێ ئێریشێ دە 6 پێشمەرگە شەھید بووبوون و 30 پێشمەرگە ژی بریندار ببوون؛ ڤێ جارێ ژی ئێریشا ل سەر مالا سەرۆکێ ھەرێما کوردستانێ رێزدار نێچیرڤان بارزانی یا ل دوھۆکێ، نیشانەیا بێتەحەمولییا ل ھەمبەری ھەرێما فەدەرەیا کوردستانێیە، نیشانەیا دژمناتییا ملەتێ کوردە.

ئەم ئێریشا ل سەر مالا سەرۆکێ ھەرێما کوردستانێ رێزدار نێچیرڤان بارزانییا ل دھۆکێ، ئێریشێن دەولەتا ئیرانێ و کۆمێن تەرۆریستێن سەر ب وێ ڤەیێن ل ئیراقێ و ھەموو ئێریشێن ھێزێن دژمنێن کوردستانێ یێن ل سەر باشوورێ کوردستانێ شەرمەزار دکین.

ئەم بانگ ل نەتەوەیێن یەکبوویی و حکوومەتا بەغدایێ دکین کو ژ بۆ راوەستاندنا ئێریشێن ل سەر باشوورێ کوردستانێ ھەلوەستەکە بباندۆر نیشان بدن.

چ ئێریش و ھێز دێ نکاربن رێ ل بەر مەشا ئازادی و سەرخوەبوونا ھەرێما فەدەرەیا کوردستانێ بگرن، کو ئەڤ ھەرێم دەستکەفتییا دیرۆکی و نەتەوەیی یا گەلێ مەیێ باشوورێ کوردستانێ و ھەموو کوردێن جیھانێیە.

28/3/2026

نڤێسینگەها چاپەمەنییێ یا پارتییا وەلاتپارێزێن کوردستانێ (PWK)