ئالمانیایێ ئێرشا ل مالا نێچیرڤان بارزانی ب توندی شەرمەزار کر
سەرۆکێ هەرێما کوردستانێ ب رێیا تەلەفۆنێ پەیامەکە پشتگریێ ژ ئالمانیایێ وەرگرت. وەزیرێ دەولەتێ یێ ئالمانیایێ ئێرشا ل سەر مالا نێچیرڤان بارزانی یا ل دهۆکێ ب توندی شەرمەزار کر.
سەرۆکێ هەرێما کوردستانێ نێچیرڤان بارزانی ب رێیا تەلەفۆنێ ب وەزیرێ دەولەتێ یێ ئالمانیایێ یێ کارێن دەرڤە در. گەزا ئاندرەیاس ڤۆن گەیر رە ئاخڤی.
ڤۆن گەیر د پەیوەندیێ دە هەموو ئێرشێن ل سەر هەرێما کوردستانێ و ب تایبەتی ئێرشا درۆنێ یا ل سەر مالا نێچیرڤان بارزانی شەرمەزار کرن.
وەزیرێ ئالمان تەکەز کر کو ئالمانیا ب گرنگی ل ئارامیا ئیراق و هەرێما کوردستانێ دنەرە و هەڤخەمیا وەلاتێ خوە ژ بۆ کوردستانێ ئانی زمێن.
نێچیرڤان بارزانی سپاسیا پەیوەندی و هەلوەستا دۆستانە یا ئالمانیایێ کر.
سەرۆکێ هەرێما کوردستانێ دیار کر کو هەرێما کوردستانێ هەر تم داخوازا ئاشتیێ دکە و ژ بۆ پاراستنا ئارامی و ئاساییشا ئیراق و هەرێمێ دخەبتە.
سەرۆکێ هەرێما کوردستانێ هەر وها سپاسیا پشتگری و ئالیکاریێن ئالمانیایێ یێن ژ بۆ ئیراق و هەرێما کوردستانێ کر.
بارزانی داخوازا هەرێما کوردستانێ یا ژ بۆ خورتکرنا هەڤکاریێن د هەموو واران دە دوپات کر.
رەوشا سیاسی یا ئیراق و هەرێما کوردستانێ و پێشهاتێن داوی یێن شەر مژارێن دن یێن پەیوەندیا تەلەفۆنی بوون.
