بنگەھا قەسرکێ یا ئامەریکایێ ل حەسەکێ ھات ئارمانجگرتن
ئیرۆ، 4ێ نیسانا 2026ێ، ل گوندەوارێ پارێزگەھا حەسەکێ یا رۆژئاڤایێ کوردستانێ، بنگەھا سەربازی یا قەسرکێ یا گرێدایی ھێزێن ئامەریکایێ، ب دو بالافرێن بێمرۆڤ (درۆن)ێن بۆمبەکری ھات ئارمانجگرتن.
ل گۆری زانیاریێن ھاتنە بدەستخستن، دەردۆرا بینگەھا سەربازی یا قەسرکێ ب دو درۆنان ھاتنە بۆمبەبارانکرن. ھات راگھاندن کو تەڤی دژواریا ئێریشێ، د ئەنجامێ دە ت زیانێن جانی یان مادی نەکەتنە.
ھێژایی گۆتنێیە کو بنگەھا قەسرکێ بەری نھا ژ ئالیێ ھێزێن ئامەریکایێ ڤە ھاتبوو ڤالاکرن، لێ بەلێ ژ بەر پێگەھا وێ یا لەشکەری، د مەھێن داوی دە گەلەک جاران دبە ئارمانجا ئێریشێن میلیشیایێن سەر ب ئیرانێ ڤە. ئەڤ ئێریش وەکی بەردەوامیا ئالۆزیێن ناڤبەرا واشنگتۆن و تەھرانێ ل سەر ئاخا سووریە و ئیراقێ تێ نرخاندن.
ژ بەر زێدەبوونا گەفێن درۆنی و مووشەکی، ھێزێن ئامەریکایێ ل پرانیا بینگەھێن خوەیێن ل رۆژئاڤایێ کوردستانێ سیستەمێن بەرەڤانیا ئاسمانی یێن پێشکەتی بجھ کرنە. ھێزێن ھەڤپەیمانیا ناڤدەولەتی تەکەز دکن کو ھەبوونا وان یا ل ھەرێمێ ژ بۆ پاراستنا ئارامیا ھەرێمێ و رێگرتنا ل سەرھلدانا جارەکا دن یا رێخستنا تەرۆریستی یا داعشێیە.
