سەرۆکوەزیر مەسروور بارزانی د داخویانیا خوە دە وها گۆت: “ئەز ب توندی وان ئێرشێن کرێت یێن ملیسێن تەرۆریست شەرمەزار دکم کو کۆنسولخانەیا گشتی یا ئامەریکایێ و دەڤەرێن سڤیلێن ل هەولێرێ کرنە ئارمانج. ئەڤ دەستدرێژیێن ب قەستی، ژ بۆ ئەولەهی و ئارامیا هەرێما کوردستانێ، ئیراق و هەرێمێ ب گشتی گەفەکە جدی و مەترسیدارن. ئەڤ کارەکی کو نایێ قەبوولکرنە.”
مەسروور بارزانی د بەردەوامیا داخویانیا خوە دە بانگی حکوومەتا ئیراقێ کر و گۆت: “ئەز جارەکە دن ب ئەشکەرەیی داخوازێ ژ حکوومەتا فەدەرالا ل بەغدایێ دکم کو ل دژی ڤان کۆمێن چەکدار و ملیسێن ل دەرڤەیی یاسایێ، گاڤێن لەزگین، ببریار و پراتیک باڤێژە”.
هه‌روه‌ها گۆت: “ئەرکا حکوومەتا فەدەرالە کو هەموو ئاموور و شیانێن خوە ژ بۆ رێلبەرگرتنا ڤان ئێرشێن تەرۆریستی ب کار بینە و بەرپرسێن ڤان ئێرشان ژ بۆ دارزاندنێ بکشینە بەر دادگەهێ”.
