یالچین كوچوك مامۆستایێ ئایدۆلۆژی یێ ئۆجالان و پهكهكێ كوچا داوی كر
هات هینبوون کو یالچن كوچوك، کو دەمەک درێژ بوو ژ بەر پرسگرێکێن تەندورستیێ دهات دەرمانکرن، رۆژا دوشەمێ پشتی نیڤرۆ ل ئەنقەرێ کۆچا داوی کر.
یالچن كوچوك، لێکۆلینەر و ئاکادەمیسیەنێ کو یەک ژ کەسایەتێن ناڤدارێن چەپگرێن ترکیێ یە، د 87 سالیا خوە دە کۆچا داوی کر.
هەتا نها دەربارێ بەرنامەیا مەراسیما جەنازەیێ كوچوك دە ت داخویانی نەهاتیە دایین.
یالچین كوچوك کییە؟
كوچوك د سالا 1938ان دە ل ئیسکەندەروونێ ژ دایک بوویە، د سالێن خوەندەکاریا خوە دە ل فاکولتەیا زانستێن سیاسی یا زانینگەها ئەنقەرەیێ وەکی سەرۆکێ فەدەراسیۆنا کلووبێن رامانان، پاشێ فەدەراسیۆنا کلووبێن رامانان یێن سۆسیالیست، دەڤ-گەنچ، و پارتیا رزگاریا گەلێ ترکیەیێ خەبتی.
یالچین كوچوك وهكه مامۆستایێ ئایدۆلۆژی یێ ئۆجالان و پهكهكێ تێ ناسكرن، وی د دانپێدانێن خوه ده ل دادگهها ئهرگهنهكونێ بهحسا هنهك نهێنێن پهكهكێ و رێبهرێ وێ عهبدوللا ئۆجالان دكه و ب ڤێ ئاوایی:
ئەز ڤێ یەکێ پر ڤەکری د بێژم ئەبدوللا ئۆجەلان کوردێ ترکیێ یە، سەروکتیا بارزانی قەبوول ناکە.
من ئاخفتنا خوە یا دەستپێکێ گۆتە ئۆجەلان تۆ چ قاس حەز ژ کەمال پاشا (ئەتاتورک) دکەی، براستی ژی وی پر پیرۆز دکە و ب ترکیێ ژی ڤە پر گرێدایە، تشتێ ئەز تیۆری دبێژم کوردێن ترکیێ کەمالیستن و بوونە کەمالیست.
د بهشهكه دن یا گۆتنێن خوه ده یالچین دبێژه: كارێ من خلاس ئێدی رهوشهنبیرێن كورد بوونه دژمنێن بارزانی و سهرخوهبوونێ.
