مەسروور بارزانی: ئارمانجگرتنا خەلکێ سڤیل و مالێن وەلاتیان “تاوانەکە شەر”ە
سەرۆکوەزیرێ هەرێما کوردستانێ مەسروور بارزانی، ئێرشا درۆنی یا ل سەر مالا پێشمەرگەیەکی ل سینۆرێ هەولێرێ، کو تێ دە ئەو پێشمەرگە و هەڤژینا وی شەهید بوون، ب توندی شەرمەزار کر و ئەڤ ئێرش وەکی “تاوانا شەر” پێناسە کر.
سەرۆکوەزیر مەسروور بارزانی ئیرۆ 7ێ نیسانێ د پەیاما خوە دە خەمگینیا خوە یا کوور ل سەر شەهیدبوونا پێشمەرگە و هەڤژینا وی ئانی زمان، ئەو ئێریش شەرمەزار کر و راگهاند، ئارمانجگرتنا خەلکێ سڤیل و مالێن وەلاتیان “تاوانەکە شەر”ە. هەروها تەکەز کر: “ئەمێ دەنگێ خەلکێ بێگونەهێ کوردستانێ بگهینن هەموو جیهانێ، دا کو سینۆرەک ژ بۆ ڤێ زولما کو ل دژی وان تێ کرن وەرە دانین.”
پەیاما سەرۆکوەزیرێ هەرێما کوردستانێ:
ئەز ب بهیستنا نووچەیا ئێرشا درۆنی یا ل سەر مالا پێشمەرگەیەکی ل سینۆرێ هەولێرێ، کو بوو سەدەما شەهیدبوونا وی و هەڤژینا وی، پر خەمگین و دلگرانم.
ب هەر ئاوایی ڤێ تاوانا کرێت شەرمەزار دکم و تاوانباران روورەش دکم.
ئارمانجگرتنا گرتنا خەلکێ سڤیل و مالێن وەلاتیان تاوانا شەرە. ئەمێ داخوازا خەلکێ بێگونەهێ کوردستانێ بگهینن هەموو جیهانێ دا کو سینۆرەک ژ بۆ ڤێ ستەمکاریا کو ل هەمبەری وان تێ کرن وەرە دانین و ئێدی ب بههانهیێن بێبنگەهـ، ئێرشی خەلکێ کوردستانێ نەیێ کرن.
