كهجهكێ ههڤخهمییا كوور ژ بۆ مرنا یالچین كوچوك راگهاند
كهجهكێ ههڤخهمییا خوه یا كوور ژ بۆی سكتینا یالچین كوچوك زلامێ دهولهتا كوور یا تركیهیێ و مامۆستهیێ ئۆجالان دیاركر و گۆت كو : «یالچین ژ ئاپۆ ره د گۆ برایێ من»!!.
كهجهكێ ئیرۆ رۆژا چارشهمی 8 نیسانا 2026ێ ب داخویانیهكێ پهیاما سهرساخیێ ب بوونا كوچا داوی یا یالچین كوچوك زلامێ دهولهتا كوور یا تركیهیێ و دۆستێ نێزی یێ ئۆجالان راگهاند.
كهجهكێ ژ دهستدانا یالچین وهكه خوسارهتیهكه مهزن ژ بۆی خوه و رێبهرێ خوه ب ناڤ كر.
هێژای ببیرئانینێ یه، یالچین كوچوك وهكه ئهندامێ ئهرگهنهكۆنێ، زلامێ ئیستخباراتێ و دهولهتا كوور یا تركیهیێ تێ حهساب كرن، ئهو مامۆستایێ ئایدۆلۆژی یێ عهبدوللا ئۆجالان و پهكهكێ بوو، تهڤاهی ژیانا خوه ژ بۆی دژایهتییا تهڤگهرا نهتهوهیی یا كورد و تهڤگهرا بارزانی تهرخان كربوو.
یالچین كوچوك، کو دەمەک درێژ بوو ژ بەر پرسگرێکێن تەندورستیێ دهات دەرمانکرن، رۆژا دوشەمییا رابووری پشتی نیڤرۆ 6 نیسانا 2026ێ ل ئەنقەرێ د 87 سالیا خوە دە کۆچا داوی کر.
یالچن كوچوك، لێکۆلینەر و ئاکادەمیسیەنه و یەک ژ کەسایەتێن ناڤدارێن چەپگرێن ترکیێ یە، د سالا 1938ان دە ل ئیسکەندەروونێ ژ دایک بوویە، د سالێن خوەندەکاریا خوە دە ل فاکولتەیا زانستێن سیاسی یا زانینگەها ئەنقەرەیێ وەکی سەرۆکێ فەدەراسیۆنا کلووبێن رامانان، پاشێ فەدەراسیۆنا کلووبێن رامانان یێن سۆسیالیست، دەڤ-گەنچ، و پارتیا رزگاریا گەلێ ترکیەیێ خەبتی.
كوچوك وهكه مامۆستایێ ئایدۆلۆژی یێ ئۆجالان و پهكهكێ تێ ناسكرن، وی د دانپێدانێن خوه ده ل دادگهها ئهرگهنهكونێ بهحسا هنهك نهێنێن پهكهكێ و رێبهرێ وێ عهبدوللا ئۆجالان دكه و ب ڤێ ئاوایی:
ئەز ڤێ یەکێ پر ڤەکری د بێژم ئەبدوللا ئۆجەلان کوردێ ترکیێ یە، سەروکتیا بارزانی قەبوول ناکە.
من ئاخفتنا خوە یا دەستپێکێ گۆتە ئۆجەلان تۆ چ قاس حەز ژ کەمال پاشا (ئەتاتورک) دکەی، براستی ژی وی پر پیرۆز دکە و ب ترکیێ ژی ڤە پر گرێدایە، تشتێ ئەز تیۆری دبێژم کوردێن ترکیێ کەمالیستن و بوونە کەمالیست.
د بهشهكه دن یا گۆتنێن خوه ده یالچین دبێژه: كارێ من خلاس ئێدی رهوشهنبیرێن كورد بوونه دژمنێن بارزانی و سهرخوهبوونێ.
