پێشمهرگهیهكا رۆژهلات ب ئێریشا پاسداران شههید كهت
غەزال مەولان پێشمەرگەیا رۆژهەلات ب ئێریشا ئێڤارا دوهـ یا سپایێ پاسداران یا ل سەر کامپا سوورداش یا ل پارێزگهها سلێمانیێ شەهید کەت.
كامپا سوورداش یا ل سینۆرێ پارێزگهها سلێمانیێ ئێڤارا دوهـ رۆژا سێشهمی 14 نیسانا 2026ێ راستی ئێریشهكه درۆنی یا سپایێ پاسدارێن ئیرانێ هات و د ئهنجامێ ده پێشمهرگهیا كۆمهلێ یا ب ناڤێ غەزال مەولان شههید كهت.
غهزال مهولان ژ باژارێ مەهابادێ یە، ئەنداما حزبا کۆمەڵە یا کوردستانا ئیرانێ بوو، ئێڤاریا رۆژا 14ی نیسانا 2026ان ب ئێریشا درۆنی یا سپایێ پاسداران ل سەر کامپا سوورداش ل پارێزگەها سلێمانیێ ب گرانى بریندار ببوو، پشترە شەهید کەت.
هات راگهاندن كو دوو پێشمەرگەیێن دن ژى د وێ ئێریشێ دە بریندار کەتن، لێ رەوشا وان جێگیرە.
ئەڤ ئێریش د حەفتەمین رۆژا ئاگربەستا د نێڤبەرا ئیران، ئیسرائیل و ئامەریکایێ دە هاتنە ئەنجامدان كو ژ دهستپێكا شهر ڤه سپایێ پاسداران چهندین جاران ئێریشی كامپێن رۆژهلات ل ناڤ خاكا ههرێما كوردستانێ كربوو.
