ئامارا گران یا ئێرشێن ل ھەرێما کوردستانێ: 21 شەھید و 96 بریندار
تەڤی کو ئاگربەست ھاتیە راگھاندن ژی، ئێرشێن ب درۆن و مووشەکان یێن ل سەر ھەرێما کوردستانێ د دۆمنژ 28ێ سباتا 2026ان ڤە نێزیکی 730 درۆن و مووشەک ھاتنە ئاڤێتن کو 25 ژ وان پشتی ئاگربەستێ بوون.
د ئەنجاما ڤان ئێرشان دە ھەژمارا شەھید و برینداران زێدە بوو.
ل گۆری ئامارێن کو ھاتنە کۆمکرن، ژ 14ێ نیسانێ ھەتا ئیرۆ 728 درۆن و مووشەک ل ھەرێما کوردستانێ کەتنە.
د ئەنجاما ڤان ئێرشان دە 21 کەس شەھید کەتنە و 96 کەس ژی بریندار بوونە.
ئێرشێن ھەری داوی
دۆھ ب شەڤ د ناڤبەرا ساعەت 22:20 و 23:00ان دە، د دو ئێرشێن جودا دە کامپا پەنابەرێن رۆژھلاتێ کوردستانێ یا ل گردەچالێ یا پارێزگەھا ھەولێرێ ب درۆنان ھات ئارمانجگرتن.
ئەندامێ دەستەیا برێڤەبرا پهدهكهیا ئیرانێ کاوه بەھرامی ژ رووداوێ رە راگھاند کو د ئێرشێ دە تەنێ زەرەرێن مادی چێبوونە.
ھەر وھا 17ێ نیسانێ، ل سینۆرێ خەلیفان و بەحرکەیێ یێن ھەولێرێ دو ئێرشێن دن ب درۆن و مووشەکان پێک ھاتن.
د ئێرشا ل سەر کامپا جێژنەکانێ دە کورێ پێشمەرگەیەکی شەھید کەت و باڤێ وی ژی بریندار بوو.
د ئێرشا ل سەر بارەگەھا پهدهكهیا ئیرانێ ل سینۆرێ خەلیفانێ دە ژی 2 پێشمەرگەیێن ژن شەھید کەتن و پێشمەرگەیەکە دن ژی بریندار بوو.
ل گۆری داخویانیا دەزگەھا ئاساییشا ھەرێما کوردستانێ، 16ێ نیسانێ گوندێ زرگوێزێ یێ سلێمانیێ و کامپەکە ل کۆیەیێ ژی ب درۆنان ھاتنە بۆمبەبارانکرن.
ئامارێن ئێرشان ل گۆری پارێزگەھان:
پارێزگەھا ھەولێرێ: 580 درۆن و مووشەک
پارێزگەھا سلێمانیێ: 120 درۆن و مووشەک
پارێزگەھا دھۆکێ: 26 درۆن و مووشەک
پارێزگەھا ھەلەبجەیێ: 2 درۆن
زەرەرێن جانی و ناسنامەیا قوربانیان
ژ 21 کەسێن کو شەھید کەتنە؛ 7 پێشمەرگەیێن فەرمانداریا ھەرێما 1ێ یا ل خەلیفانێ، کارمەندەکی ئاساییشێ یێ ل بالافرگەھا ناڤنەتەوەیی یا ھەولێرێ، 9 پێشمەرگەیێن پارتیێن رۆژھلاتێ کوردستانێ و کورەکی پێشمەرگەیەکی نە.
ھەر وھا 12ێ ئادارێ لەشکەرەکی فرانسیی ژی ل ھەولێرێ جانێ خوە ژ دەست دابوو.
د ناڤ 96 برینداران دە 30 پێشمەرگەیێن ل سۆرانێ، 3 کارمەندێن ئاساییشێ، 18 سڤیل (د ناڤ وان دە زارۆک و خوەندەکار ھەنە) و 5 لەشکەرێن فرانسایی ھەنە
جھێن کو ھاتنە ئارمانجگرتن
ل پارێزگەھا ھەولێرێ دەڤەرێن وەکی سیدەکان، حەریر، خەبات، بەحرکەیێ، عەنکاوا و بالافرگەھا ھەولێرێ ھاتنە ئارمانجگرتن.
ل پارێزگەھا سلێمانیێ ژی چیایێ گولان، مێرگەپان، گوندێ زرگوێز و قەزایا کفریێ د ناڤ لیستەیا ئێرشان دە نە.
ل پارێزگەھێن دھۆک و ھەلەبجەیێ ژی قادێن پەترۆلێ یێن سەرسنگ و چەمانکێ و چیایێ شنروێ ھاتنە بۆمبەبارانکرن.
