جوانێن شۆرهشگهر كهچهكه دن یا 16 سالی رهڤاندن و داییكا وێ بانگی مهزلووم عهبدی دكه
چهتهیێن جوانێن شۆرهشگهر یێن گرێدای پهكهكێ كهچهكه دن یا 16 سالی ژ كۆبانێ رهڤاندن و بۆ جیههكێ نهدیار برنه، داییكا وێ ژی بانگی مهزلووم عهبدی دكه كو كهچا وێ ڤهگهرینه.
چاڤكانیێن داركا مازی یێن ل رۆژئاڤا كوردستانێ ئاشكهره كرن، چهتهیێن ب ناڤێ جوانێن شۆرهشگهر یێن گرێدای پارتیا یهكێتییا دهمۆكراتیك پهیهدێ، باسكێ پهكهكێ یێ رۆژئاڤا، ل سهر رهڤاندنان زارۆكێن كوردان بهردهوامن، ههری داوی ژی كهچهكه 16 سالی رهڤاندنه.
دهستنیشان كرن، جوانێن شۆرهشگهر ل رۆژا 15 نیسانا 2026ێ كهچهكه 16 سالی یا ب ناڤێ یاسمین عهبدو محهمهد ژ گوندێ دۆنگزێ یێ سەر باژارێ کۆبانی ڤه رەڤاندنه.
داییكا یاسمینێ د گرته ڤیدیۆیوكێ ده بانگی مهزلووم عهبدی كرییه و ژێ خوهستییه كو كهچا وێ ڤهگهرینن.
مالباتا یاسمینێ بەرێ ل پارێزگەھا سویدایێ بوون و پشتی ھلوەشینا رەژیما بەشار ئەسەد ڤەگەریان گوندێ خوە.
جوانێن شۆرهشگهر رێخستنهكه جوانان یا گرێدای پهكهكێ یه، ب تهعلیماتێن راستهراست یا جهمیل باییك تهڤ دگهره و كارێ وێ چهكداركرنا زارۆكانه ژ بۆی پهكهكێ و باسكێن وێ یێن ل رۆژئاڤا كوردستانێ.
