حكوومهتا ئیراقێ: مالباتێن شەھیدێن ئێریشێن ل سەر کوردستانێ دێ وەرن قەرەبووکرن
ئەنجوومەنا وەزیران یا ئیراقێ بریار دا کو مالباتێن قوربانیێن ئێریشێن درۆنی یێن ل سەر ھەرێما کوردستانێ وەرن قەرەبوکرن.
ئەنجوومەنا وەزیران یا ئیراقێ دوھ 28ێ نیسانێ ب سەرۆکاتیا محەمەد شهیاع سوودانی، 17مین جڤینا خوە یا ئاسایی ئەنجام دا. د جڤینێ دە چەند بریارێن گرنگ ھاتن گرتن کو راستەراست پەیوەندی ب ھەرێما کوردستانێ و ئابۆرییا ئیراقێ ڤە ھەنە.
قەرەبووکرنا مالباتێن شەھیدان
ئەنجوومەنا وەزیران بریار دا کو شایەستەیێن دارایی و قەرەبوو ژ بۆ مالباتێن وان کەسێن کو د ئێریشێن درۆنی یێن داوی دە ل ھەرێما کوردستانێ شەھید بوونە، وەرن ڤەقەتاندن. ئەڤ بریار پشتی وێ یەکێ تێ کو د ھەیاما بۆری دە چەندین ئێریشێن ئاسمانی زیانێن مەزن گھاندبوون وەلاتیێن سڤیل.
د 50 رۆژی دە، 809 ئێریش
حكوومهتا ھەرێما کوردستانێ د 25ێ نیسانێ دە بەلاڤ کربوو، د ناڤا 50 رۆژان دە، 809 ئێریشێن ئاسمانی و مووشەکی ل سەر ھەرێما کوردستانێ ھاتنە کرن کو پرانیا وان ئێریشان ھەولێرا پایتەخت کرنە ئارمانج.
ئەڤ ئێریشێن کو ژ 28ێ سباتا ئیسال ڤە (ب دەستپێکرنا راگەشیا ئامەریکا و ئیسرایلێ یا ل ھەمبەری ئیرانێ) زێدە بوونە، بوونە سەدەما زیانێن گیانی و مادی یێن مەزن. د ڤان ئێریشان دە ھەر تم مالێن وەلاتیان، جھێن گشتی و پرۆژەیێن کەرتا تایبەت بوونە ئارمانج.
