ژ هەلوەشاندنا پەکەکێ بۆ بنبەستا سیاسی؛ مەرجێ قەندیلێ بۆ بەردەوامییا پێڤاژۆیێ
رێڤەبەرییا پهكهكهیا هلوهشیایی د سالڤەگەرا هلوەشاندنا رێخستنێ دا، د جڤینەکا چاپەمەنیێ دا ب پشکدارییا مستەفا کاراسۆ و سۆزدار ئاڤێستا دوپاتی ل سەر پێدڤییا ب فەرمی ناسینا پێگەهێ عهبدوللا ئۆجالان و جێبەجێکرنا گاڤێن قانوونی کر، ناڤێ رێخستنێ ژی ژ پهكهكه بۆ تهڤگهرا ئاپۆیی گوههراند.
ئیرۆ رۆژا سێشهمی 5 گولانا 2026ێ رێڤهبهرێن پهكهكێ مستهفا كاراسوو و سۆزدار ئاڤیستا د جڤینهكا چاپهمهنیێ دا بهرسڤ و نرخاندنێن ریخستنێ ژ بۆی پێڤاژۆیا ئاشتیێ راگهاندن، سۆزدار ئاڤێستا داخویانی ب زمانێ كوردی خواند و مستهفا كاراسوو ب تركی.
د داخویانیێ دا هات دیاركرن كو سالەک ل سەر بڕیارا مێژوویی یا هلوەشاندنا پهكهكێ و ب دوماهی ئینانا خەباتا چەکداری ل دژی ترکیێ دەرباز بوو. ئەڤ بڕیارە ل سەر بانگەوازییا عهبدوللا ئۆجالان ل شوباتا 2025ێ هاتبوو دان، ب مەرەما ڤەکرنا ڕێیا چارەسەرییا سیاسی بوو.
دهستنیشان كر، ژ بۆی ڤێ وەک نیشاندانا بڕیاردارییا وان، ل 11ی تیرمهها 2025ێ هەڤسەرۆکا KCKێ بەسێ هۆزات دگەل 30 گەریلایان چەکێن خۆ شهوتاندن. پشتره وان هێزێن خوه ژ ناڤ سنۆرێن تركیێ ڤەکێشانە دەرڤە ژ بۆ سەلماندنا ڤیانا ئاشتیێ.
داخویانی دا دیار كرن ژ بهر كو ئاپۆ مۆخاتەبێ سەرەکی و سەرموزاکەرەڤانێ ڤێ پێڤاژۆیێ یە، داخواز هاتە کرن کو ستاتۆیا وی یا سیاسی و قانوونی بهێتە دیار کرن، ههروهها دهرفهت بهێتە دان کو ئهو ب ئازادی دگەل ئالیێن جودا چاڤپێکەفتنان بکەت.
داخویانییا پهكهكێ تهكهز كر كو بێی دیارکرنا پێگەهێ ئاپۆی، ههڤدیتنێن دەمکی چ ئەنجامێن بنەرەتی نادەنە دەست.
رێڤهبهرییا پهكهكێ د داخویانییا خوه دا رەخنە ل هەلوەستێ دەولەتا ترك گرت کو هەتا نها گاڤێن قانوونی یێن پێدڤی نەهاڤێتنە و ئاماژە ب وێ یەکێ هاتە کرن کو راپۆرتا کومسیۆنا پەرلەمانی هێشتا نەکەفتیە د وارێ جێبەجێکرنێ دا و دەولەت ب ساری سستی نێزیکی مژارێ دبیت.
رێڤهبهرییا پهكهكێ دوپات کر کو وان هەموو ئەرکێن ل سەر ملێ خۆ جێبەجێکرنە، نها دۆر یا دەولەتا تركه کو ژ بۆ “ئهنتهگراسیۆنا دهمۆکراتیک” و چارەسەرییا پرسا کورد، زەمینەکا حقووقی و قانوونی ئامادە بکەت و ئۆجالان وەک ئالیێ فەرمی یێ دانوستاندنان بناسیت.
