شارەداريیا ئامەدێ دێ ژ بۆ جەژنا زمانێ کوردی چالاکیان ل دار بخە
شارەداریيا باژارێ مەزن يا ئامەدێ ژ بۆ 15ێ گولانێ جەژنا زمانێ کوردی بەرنامەیەکە بەرفرەھ ئەشکەرە کر.
د چارچۆڤەیا بەرنامەیێ دە دێ گەلەک چالاکی بێن کرن و ئەڤ چالاکی دێ 10، 15 و 17ێ گولانێ وەرن لدارخستن.
دائیرەیا چاند و کارێن جڤاکی یا شارەداریێ ژ بۆ جەژنا زمانێ کوردی ئامادەھیێن خوە تەمام کرن.
د ڤێ چارچۆڤەیێ دە دێ چالاکیێن جوربجورێن وەکی بەز، شانۆ و شاھیا زارۆکان وەرن لدارخستن.
چالاکیا یەکەما بەرنامەیێ دێ 10ێ گولانێ بێ لدارخستن. ئەڤ رۆژ د ھەمان دەمێ دە رۆژا داییکانە. ب ڤێ بۆنەیێ دێ بەزا ب ناڤێ “ئەم ژ بۆ زمانێ داییکێ دبەزن” وەرە ئۆرگانیزەکرن. بەشدارێن چالاکیێ دێ ساەت 10:00ان کۆم ببن.
بەزا زمان دێ ساەت 11:00ان دەست پێ بکە و د ناڤبەرا سومەرپارک و مەیدانا دەریێ چیێ دە بێ کرن.
ئارمانجا ڤێ چالاکیێ ئەوە کو بەشدار بالێ بکشینن سەر گرینگیا زمانێ کوردی.
د 15ێ گولانێ جەژنا زمانێ کوردی دە ژی دێ چالاکیا شانۆیێ ھەبە. لیستکا ب ناڤێ “مۆراشین” ساەت 20:00ان دێ دەرکەڤە پێشبەری تەماشەڤانان.
ئەڤ لیستک دێ ل ناڤەندا چاند و کۆنگرەیێ یا چاند ئامەدێ وەرە پێشاندان.
شارەداریا باژارێ مەزنا ئامەدێ د بەرنامەیێ دە زارۆک و جوان ژی ژ بیر نەکرن.
“شاھیا زارۆک و جوانان” دێ 17ێ گولانێ ل سومەرپارکێ وەرە لدارخستن.
چالاکی دێ د ناڤبەرا ساەت 11:00 و 17:00ان دە بە.
د ڤێ شاھیێ دە دێ خەباتێن ئاتۆلیەیێ، موزیک، ریتم، دراما و لیستکێن جودا وەرن پێشکێشکرن.
