سەرۆکێ ئیی پارتیێ ژ باھچەلی رە: “ما ھوون شەرم ناکن؟ خوەدێ وە ئیسلاح بکە”
سەرۆکێ ئیی پارتیێ، موساڤات دەرویشۆگلو، نەرازیبوونەک توند نیشانی بانگا دەولەت باھچەلی یا دەربارێ دیارکرنا ستاتویەکێ ژ بۆ رێبەرێ پهكهكێ دا و ژێ رە گۆت: “ما ھوون شەرم ناکن؟ خوەدێ وە ئیسلاح بکە.”
ئیرۆ، رۆژا چارشەمێ 6ێ گولانا 2026ان، مووساڤات دەرڤیشۆگلو دەربارێ بانگا دەولەت باھچەلی یا ژ بۆ “دایینا ستاتویێ ژ بۆ ئابدوڵاھ ئۆجالان” ئاخڤی. دەرویشۆگلو د ئاخافتنا خوە دە روویێ خوە وەرگەراند باھچەلی و گۆت: “ما ھوون شەرم ناکن؟ ئەز ل سەر ناڤێ وە شەرم دکم. خوەدێ وە چاوا راست دبینە، بلا وە وەھا ئیسلاح بکە.”
پێشنیارا باھچەلی چ بوو؟
سەرۆکێ گشتییێ مهههپێ دەولەت باھچەلی، دوھ رۆژا سێشەمێ 5ێ گولانا 2026ان، د جڤینا کۆما پارتیا خوەیا ل پارلامەنێ دە ئاخڤیبوو. باھچەلی راگھاندبوو کو گۆتووبێژکرنا ستاتویا ئابدوڵاھ ئۆجالان گرینگە و پێشنیار کربوو کو ئۆجالان ب ناسناڤێ “کۆۆردیناتۆرێ پێڤاژۆیا ئاشتی و سیاسیبوونێ” کار بکە.
ل گۆری ئیدیعایا باھچەلی، ئەگەر ئۆجالان ب ڤی رەنگی کار بکە، دێ بێتر خزمەتا ترکیەیێ و پێڤاژۆیا “ترکیەیا بێ تەرۆر” بکە.
