نێچیرڤان بارزانی ب پاپایێ ڤاتیکانێ و سەرۆکێ ئیتالیایێ رە دجڤە

سەرۆکێ ھەرێما کوردستانێ نێچیرڤان بارزانی ب سەردانەکە فەرمی بەرێ خوە دا رۆمایا پایتەختێ ئیتالیایێ و دێ ھەژمارەک جڤینان ب پاپایێ ڤاتیکانێ، سەرۆکێ ئیتالیایێ و بەرپرسێن بلندێن حکوومەتا ئیتالیایێ رە پێک بینە.

سەرۆکاتیا ھەرێما کوردستانێ بەلاڤ کر، سەرۆکێ ھەرێما کوردستانێ نێچیرڤان بارزانی ئیرۆ 17ێ گولانا 2026ان، ب سەردانەکە فەرمی یا دو رۆژی، بەرێ خوە دا رۆمایا پایتەختێ ئیتالیایێ.

سەرۆکاتیا ھەرێما کوردستانێ ئاماژه‌ ب وێ یەکێ کر، د چارچۆڤەیا سەردانا خوە دە، نێچیرڤان بارزانی دێ ب پاپایێ ڤاتیکانێ، سەرۆکێ ئیتالیایێ و ھەژمارەک بەرپرسێن بلندێن حکوومەتا ئیتالیا و دەولەتا ڤاتیکانێ رە بجڤە.

ھەروھا د داخویانیێن دە ھات دیارکرن، د چارچۆڤەیا جڤینان دە، پەیوەندیێن ئیراق و ھەرێما کوردستانێ یێن ب ئیتالیا و ڤاتیکانێ رە، رەوشا سیاسی و ئەولەھییا ئیراق و ناڤچەیێ، لگەل چەندین مژارێن گرینگێن ھەڤبەش دێ وەرن گۆتووبێژکرن.